पाऊस🌧️
पहिल्या सरींचा गंध दरवळला,
मातीने आज हसत श्वास घेतला.
आभाळाने उघडली प्रेमाची ओंजळ,
धरतीने घातली हिरवीगार शाल.
टपटप थेंबांची मधुर तान,
जणू निसर्गाचे सुंदर गाणं.
पानोपानी मोत्यांची बरसात,
मनात जागवते आनंदाची बात.
चिमणी पुन्हा घरट्यात आली,
मोराने पिसं अलगद फुलवली.
नदी-ओढे हसत वाहू लागले,
सारेच रान पुन्हा जिवंत झाले.
पाऊस म्हणजे नव्या आशेची चाहूल,
जीवनाला देणारी नवी भूल.
थेंबाथेंबांत दडलेलं प्रेम अपार,
पाऊस म्हणजे निसर्गाचा सुंदर सण साकार.
समाप्त...
लेखिका: रोहिणी......
