mujhe papa se pyaar hai
lekin apni maa ke dard bhari chikhe kese bhula du,
mujhe maa se pyaar hai
lekin unki jaisi zindagi main naa jina chahu,
bas ek hi sawal hai...
un dono ke bich me kisi chunu?
kon sahi kon galat kese samjhu?
han! mere papa mere superhero hain,
lekin super husband nahi ye baat kese jhutla du?
han! maa bahut pyaar karti hai papa se,
lekin wo pyaar humare liye kahi kho sa gaya, ye kese bhula du?
bas ek hi sawal hai ....
kon achha kon bura, ye kaise tay karu?
