" તારા વિના "

જિંદગી છે અંધકાર, તારા વિના;
આ જીવન છે પડકાર, તારા વિના;

તારા વિના જીવન પણ શું જીવન?
એક સૂનો છે સંસાર, તારા વિના;

તું છે તો જ હૃદય આ સાબૂત છે,
નર્યો એ છે કાટમાળ, તારા વિના;

રણ વચાળે તું એક મીઠી વિરડી,
જગ આખું છે ભેંકાર, તારા વિના;

તારા સંગ હર દિવસ છે તહેવાર,
હર ઉત્સવ છે બેકાર, તારા વિના;

જીવન સફર તારા સાથે છે રંગીન,
બે-રંગીન છે સવાર, તારા વિના;

પ્રણયમાં ઝંપલાવ્યું સ્નેહ સાગરમાં,
નાવ એમાં છે મઝધાર, તારા વિના;

ભૂલવું તને ક્યાં આસાન છે? "વ્યોમ"
સ્મરણ તારું છે વારંવાર, તારા વિના;

✍... વિનોદ. મો. સોલંકી "વ્યોમ"
જેટકો (જીઈબી), મુ. રાપર.

Gujarati Poem by વિનોદ. મો. સોલંકી .વ્યોમ. : 111997857

The best sellers write on Matrubharti, do you?

Start Writing Now