👪 Maa-Baap: Ek Aisi Taqat Jo Bana Bhi Sakti Hai, Bigaad Bhi Sakti Hai
Ek insan ki zindagi mein agar koi sabse important hote hain,
toh wo hote hain — Maa aur Baap.
Wahi hote hain jo tumhe banate hain ya bigaḍ dete hain.
Unka pyaar, unka dard, unka gussa —
Sab kuch ek bachche ki personality ka hissa ban jaata hai.
Unke shabd itne gehre hote hain ki
ya to tum zindagi mein udaan bhar jaate ho,
ya zameen pe gir kar kabhi uth nahi paate.
Aaj kal ke zamaane mein
Jahan maa-baap marks kam aane par bacchon ki jaan le lete hain,
Wahan meri kismat kitni achhi hai...
Ki mujhe aise maa-baap mile jinhone kabhi mujhe marks ke liye nahi danta,
nahi maara,
aur kabhi meri self-worth ko number se nahi joda.
Shayad kuch punya kiya hoga maine jo mujhe yeh maa-baap mile.
Aur ho sakta hai unhone bhi koi paap kiya ho...
jo unko mai mili. 😔
Par ab...
Main apni poori koshish karungi ki unhe kabhi dard na ho.
Kabhi unki aankhon mein aansu na aaye.
Aur woh hamesha mujh par fakr mehsoos karein.
Mujhe paida karna hi unka kartavya nahi tha,
Mujhe sambhalna, banana, jeene layak banana —
Wahi unka asli farz tha.
Aur unhone woh nibha diya. 💗
