"Vishesh Membership: Jab Writers ko Writer Se Reader Banaya Gaya"
Kya aap ek passionate writer hain? Kya aapne dil se likha, raat bhar jagkar likha, aankhon se aansu tapak ke likha?
Toh badhai ho!
Aapka likha aap tak hi seemit rahega — jab tak aap Vishesh Membership nahi lete.
Haan, sahi suna!
Aapke readers ne comment kiya?
→ Dekhna hai? Toh Vishesh lo.
Aapko pata karna hai kisne padha, kisne pasand kiya?
→ Simple hai! Vishesh lo.
Analytics chahiye?
→ Vishesh nahi liya? Toh writer nahi, bas andhere mein likhne waala majdoor ho!
Yeh membership aisi hai jise lene ke baad bhi lagta hai —
"Shayad meri kalam se nikaale alfaazon ne kisi dil ko chhoo liya ho, par pata nahi chal paaya... kyunki Vishesh nahi liya."
Aur platform ka logic?
"Aapke jazbaat tab tak maayne nahi rakhte, jab tak aap humare kharche mein bhaagidar nahi bante."
Matlab: Writers likhte hain, readers padhte hain, aur beech mein platform hans ke paisa count karta hai.
Janta maaf nahi karegi!
Vishesh membership?
Zarurat nahi... Zaroorat se zyada atyachaar hai!
#funny
