હૃદયના ઘાવ કોઈનેય બતાવી શકતો નથી.
ને ઉરની સઘળી શબ્દમાં લાવી શકતો નથી.
મારાં જ બનીને કર્યો છે વિશ્વાસઘાત જેણે,
એને પણ એકાએક સાવ છોડી શકતો નથી.
જગતની સારપ સઘળી સ્વાર્થની બુનિયાદે,
મધમીઠી એની જબાનથી મોહી શકતો નથી.
ભૂલ એટલી જ મારી કે સરળતા વધારે રહી,
કાવાદાવાની મગજમારીને સહી શકતો નથી.
મારેય હોય એક વહેણ પોતાનું આગેકૂચનું,
તેથી જ તો ટોળાંની સાથે ભળી શકતો નથી.
સંકુચિતતા સ્વાર્થ તણી ના લલચાવી શકતી,
માર્ગ મારો સનાતન બીજે વળી શકતો નથી.
- ચૈતન્ય જોષી. " દીપક " પોરબંદર.
