ఉషోదయపు కిరణాలు తనువును తాకగా, నవోదయపు ఆశలు మదిలో చిగురించగా,
వాటి కోసం ఈరోజు ప్రయత్నం ఆరంభించు !
క్షణాలు గడిచే కొద్దీ ఎండ వేధిస్తున్నా,
కష్టాలు గుండెను బాధిస్తున్నా,
మొదలెట్టిన పనిని ఈరోజంతా కొనసాగించు !
నిన్నటి తప్పులను సరిదిద్దుకొంటూ,
రేపటి లక్ష్యం కోసం పోరాడుతూ,
చేరే గమ్యానికి ఈరోజు బాటలు పరుచు !
సమస్యలు మన మెదడును చుట్టుముట్టినా, చిగురించిన ఆశలన్నీ ఆవిరవుతున్నా,
ఈరోజు గెలుపు కోసమే శ్రమించు !
నింగిలో చీకట్లు కమ్ముకొంటున్నా,
చల్లని వెన్నెలలో చేసిన శ్రమను తలచుకొంటూ, రాబోయే విజయాన్ని ఈరోజు ఆస్వాదించు !
