આજે પાછો પપ્પા માટેનો પ્રેમ છલકાઈ જશે,
પછી ખબર નહિ ક્યાં છુપાઈ જશે.....
સારાં ભણતરનું અભિમાન ભલે માં ને હશે, પણ
એ ભણતરનું જતન કેવી રીતે કરવું એનું જ્ઞાન તો પપ્પાને જ હશે,
આજે પાછો પપ્પા માટેનો પ્રેમ છલકાઈ જશે,
પછી ખબર નહિ ક્યાં છુપાઈ જશે.....
હોય દુઃખી આપણે તો માં દુઃખી હશે, પણ
મનના કોઈક ખૂણે પપ્પા પણ રડતાં જ હશે,
આજે પાછો પપ્પા માટેનો પ્રેમ છલકાઈ જશે,
પછી ખબર નહિ ક્યાં છુપાઈ જશે.....
માં માટે શબ્દ અપાર હશે, પણ
અખૂટ વાક્યો એ પપ્પા માટે જ હશે,
આજે પાછો પપ્પા માટેનો પ્રેમ છલકાઈ જશે,
પછી ખબર નહિ ક્યાં છુપાઈ જશે.....
ખ્યાતિ 'સિદ્ધયતિ'
