એક વિરલ અને ખૂબ સરસ કાવ્ય તથા ગીત.
ઓલા માંડવાની જૂઈ...
અમથી અમથી મૂઈ ! ઓલ્યા માંડવાની જૂઈ !
કંપી કંપીને એ જીવન જીવી ગઈ
ઝંખી ઝંખીને એ તરસી રે ગઈ
ધૂપછાંવની ગોરી તોયે ધૂપથી ડરી ગઈ
એની કાયામાં સુવાસ, જોબન શમાણાનો ઝંકાર
સનમ ક્ષણની બની ગઈ અને અમથી ખરી ગઈ !
કે આવ્યો ઊડીને પવન, જૂઈનું જોયું રે કફન
ચૂમી લીધું રે ચરણ, જૂઈનું કીધું એ હરણ
એને ઝાકળમાં નવડાવી, એને ઘૂળમાં પોઢાડી
સૂરજ આગમાં સળગાવી, એની માનીતી જૂઈ !
સ્વર: પિનાકિન મહેતા,
4 એપ્રિલ જન્મદિન 🌹
પુરુષોત્તમ ઉપાધ્યાય, અને રાસબિહારી દેસાઈ
રચના : જીતુભાઇ મહેતા
સંગીત: પુરુષોત્તમ ઉપાધ્યાય
