માણસાઈ તો ગઈ પણ આમ દેશભક્તિના દેખાડા ન કર,
આમ જ ગાડરીયા પ્રવાહમાં dp/status બદલ્યા ન કર !
માન્યુ કે શાન છે ; સ્વતંત્રતા ને પ્રજાસતાક પર્વ,
પણ બાકીના 363 દિવસ દેશભક્તિને સુવાડ્યા ન કર !
સૈન્ય પણ જો બે દિવસ જ કરશે દેશભક્તિ,
નહી કરી શકે તું નિંદર પણ સરખી એ ભૂલ્યા ન કર !
દેશપ્રેમ હોય જો સાચો જગાવ તારી અંદરના નાગરીકને,
ફોકટનો BPL કાર્ડ લઈ કોઈના ભાગનું લુંટયાં ન કર!
નથી બંધાયા અહીં કોઈ "પાળીયા" એમ જ,
તો દેશભક્તિને આટલી સસ્તી બનાવ્યા ન કર !
"જાગૃત નાગરીક" જ છે સાચો દેશભક્ત હવે,
વિજળી, પાણી ને ભોજન આમ બગાડ્યા ન કર !
જાંખ સ્વયંની અંદર ; "મન" સ્વચ્છ કર,
"સ્વચ્છ ભારત"ના નારા આમ જ ગાયા ન કર!
🤞🙏🤞
