હવે તો હર્ષાશ્રુ આવશે ને?
શું કરું , કેવી રીતે કરું, તો આવે તારી આંખમાં હર્ષાશ્રુ
પ્રેમભરી વાતો કરીએ કે મસ્તીભરી પળો વાગોળીએ
કોરી પાટી પર દિલ ચીતરું કે દિલ ખોલીને બતાવું
હર કંપન નામ લે છે સતત, એ ક્યાં તને ખબર
હું તારાથી દૂર છું ને તુ મારાથી ,કેવા સંજોગો આવી ગયા
હૃદય ચાહતથી ભરચક, પણ ભીડમાં એકલી પડી ગઈ છું,
આ અવિરત કોલાહલમાં એક જ તો સાદ સંભળાય છે
' વિજોગથી પ્રેમ વધશે ને , અંતરના તાર ઝણઝણશે ને,'
આવું છું તારી સમીપ, ધબકારમાં મારું નામ તો સંભળાશે ને
બહું રહ્યા કોરા નયન ,' નિજ ' હવે તો હર્ષાશ્રુ આવશે ને?
.
.
જતીન ભટ્ટ ' નિજ '
94268 61995
