"મા" એટલે?
'મા' એટલે, જન્મની દાતા;
'મા' એટલે, ભાગ્ય વિધાતા;
'મા' એટલે, સૃષ્ટિનું સર્જન;
'મા' એટલે, ઈશ્વરનું દર્પણ;
'મા' એટલે, વ્હાલનો દરિયો;
'મા' એટલે, શિક્ષણનો ખડિયો;
'મા' એટલે, ઝળહળતો દીપક;
'મા' એટલે, પરિવારની રોનક;
'મા' એટલે, એક મીઠો કોળિયો;
'મા' એટલે, નિરાંતનો ઢોલિયો;
'મા' એટલે, સુખોનો સાગર;
'મા' એટલે, અમૃતની ગાગર;
'મા' એટલે, ગગનચુંબી ઇમારત;
'મા' એટલે, ભગવતીની ઇબાદત;
'મા' એટલે, જિંદગીનું ચણતર;
'મા' એટલે, જીવતરનું ઘડતર;
'મા' એટલે, કૌશલ્યા શ્રી રામની;
'મા' એટલે, યશોદા શ્રી શ્યામની;
'મા' એટલે, સમસ્ત સંસાર;
'મા' એટલે, મીઠો મઘુરો કંસાર;
'મા' એટલે, અખંડ-અનંત "વ્યોમ"
'મા' એટલે, સુંદર, મનોહર ભોમ;
✍... વિનોદ. મો. સોલંકી "વ્યોમ"
GETCO (GEB),
મુ. રાપર
