જોને આ વરસાદમાં...
હમણાંથી અંદરથી કઈક ખામોશ થઈ ગયું છે મારામાં,
તારી મસ્તીમાં મોરલો બનીને ટહુકવાનું મન થાય છે... જોને આ વરસાદમાં.
હતી જિંદગી ફક્ત એકધારી ને અલગારી જાણે મારી,
તારી આગોશમાં ફૂલોની જેમ ખીલવાનું મન થાય છે... જોને આ વરસાદમાં.
અંધારી આ ઠંડીગાર રાત વીતી છે તારા ઇંતેઝારમાં,
જોઇને તને ઝાંકળની જેમ પીગળવાનું મન થાય છે... જોને આ વરસાદમાં.
અંદરથી કોરો-ધાકોર નાં રહી જાવું તારા વગર ક્યાંક,
તારા હાથમા હાથ રાખીને ભીંજાવાનું મન થાય છે... જોને આ વરસાદમાં.
કેટલી સપનાંઓ ને એની વાતો કરવી હતી તારા સાથે,
તું થોડું રીસાઈશ, આજે તને મનાવવાનું મન થાય છે... જોને આ વરસાદમાં.
-તેજસ
