પ્રસંગો સ્મૃતિમાં એવા હારબંધ યાદ આવે,
દીવાનગીના પુરા, હતા પ્રબંધ યાદ આવે;

પુસ્તક ન વંચાયેલું, હો અકબંધ યાદ આવે,
વિસરી ગયેલ એમ, કો' સંબંધ યાદ આવે;

રડતા રહો એ બાદ અને રુદન ન થઈ શકે,
જ્યાં પડી'તી ઝાકળ, એ સ્કંધ યાદ આવે;

ક્યારેક હવામાં વહીને,આવે આછી લ્હેરખી,
એ સાથે વહીને આછી,એક ગંધ યાદ આવે;

થઈ બેખબર વળો તમે કોઈ જાણીતા રસ્તે,
સહસા જ એ રસ્તો,થયો છે બંધ યાદ આવે;

કાયમ અમિત તમને, ઘાવ પંપાળતા જોઈ,
ઉછરેલ લાડમાં, અમીર ફરજંદ યાદ આવે;

-

Gujarati Blog by TRUSHAR : 111787499

The best sellers write on Matrubharti, do you?

Start Writing Now