વીત્યાં વર્ષ ત્રીસ સ્મૃતિઓ કરું પરત પરત.
ગયો સમય પણ ઝડપી સ્મરું તરત તરત.

સ્નેહસંબંધે બંધાયાં સાથી એકમેક ઊભય,
શરૂશરૂમાં હતો કેટકેટલો ધરું હરખ હરખ.

મળ્યું મબલખ તારા સંગે ઓ જીવનસંગિની,
હતું વાતાવરણ એટલું હર્યુંભર્યું વરત વરત.

હમસફરને હમરાહી હમદર્દ બનીને જીવતાં,
સોટચ સોનું જાણે કે ના એ થયું વરખ વરખ.

સુખદુઃખમાં સાથ નિભાવ્યો પરસ્પર ધૈર્યથી,
અર્ધાંગિની તેં અર્પ્યું છે કેટકેટલું પરખ પરખ.

ના પરિણમ્યા મતભેદ કદીએ મનભેદ સ્તરે,
સંતોષરેખા મુજ ચહેરે નિહાળું મરક મરક.

દેજે ઈશ આ ભાર્યા મુજને જન્મોજનમ તું,
એમાં ના બાંધછોડ કે સ્વીકારું શરત શરત.

ચૈતન્ય જોષી. ' દીપક ' પોરબંદર.

Gujarati Poem by Chaitanya Joshi : 111783993
Shesha Rana Mankad 5 year ago

વાહ, ખૂબ સુંદર અભિવ્યક્તિ

The best sellers write on Matrubharti, do you?

Start Writing Now