શરણ હરિનું સ્વીકારો આફત આવે ત્યારે.
ના રાખો મનમાં મૂંઝારો આફત આવે ત્યારે.
રહો અડીખમ ઝંઝાવાતે આત્મબળ ધરીને,
હરિના ભરોસે હંકારો આફત આવે ત્યારે.
આફત આપનારો જ ઉપાય બતાવશે જ,
અંતર આરઝૂથી સંભારો આફત આવે ત્યારે.
હિંમત રાખી હૈયેને હરિવરને બસ પોકારો,
પુરુષાર્થ દેખાડે કિનારો આફત આવે ત્યારે.
જીવનનૌકાને હરિવરનો સદાય સથવારો,
એ વિશ્વાસે પાર ઊતારો આફત આવે ત્યારે.
- ચૈતન્ય જોષી. ' દીપક ' પોરબંદર.
