નથણી
કેટલી નમણાશ છે
ખુબસુરત ચહેરા માં
લાવણ્ય નિતરી રહ્યું
તારા રૂપ ની ચાંદની જોઉં...
મનોહર સ્વરૂપા તું
બહુ તેજ ને તર્રાર છે
નીરખી રહી આ નજર
શોભતી એ બિંદી જોઉં....
સુંવાળા અને ચમકતા
શ્યામ ઘન તારા કેશ છે
ઉડી રહ્યા એ લહેર માં
અલ્લડ બનેલી ઝુલ્ફ જોઉં...
ધનુષ સરખી ભ્રમર છે
કજરાળા છે એ નયન
આંખ છે બહુ બોલકી
એમાં ઘૂઘવતો દરિયો જોઉં...
નાસિકા નમણી બહુ
શોભી રહી છે વદન માં
બિડેલા એ હોઠ છે ને
નાક પર ની નથણી જોઉં...
તારા સૌંદર્ય ને જોઈ
લખી રહ્યો છું આ ગઝલ
"કલ્પના" તું "બકુલ" ની
તારા ગુલાબી ગાલ જોઉં...
-બકુલ ની કલમે...✍️
ગઝલ
03-05-2021
05.06
