ઘરના એ ખૂણા જે આજે લાગે છે સૂના સૂના
જ્યાં રહેતા તા ક્યારેક રમકડાં તૂટેલા જૂના
જેમાં હતી યાદોની ભરમાર
ચાહું છું એ બચપન ફરી એકવાર...
બોટલ ના ઢાંકણ ને બટન માંથી બનાવી ટકટકિયા
કર્યા હતા કેટલાય ના કાનમાં કલબલિયા
જેના લીધે ખાધી છે વઢ ને માર,
ચાહું છું એ બચપન ફરી એકવાર...
કોરી દેખાય છે આજે જ્યાં એ ભીંતો
જ્યાં બાળપણ માં લખાતી હતી દરેક વાતો
બનતો એમાં ક્યાંક કક્કો, અંકો તો ક્યાંક ફૂલનો હાર
ચાહું છું એ બચપન ફરી એકવાર...
થપ્પો, લંગડી, દોરડા, કુકકા ને તાસ,
રમવા માં મળતો આનંદ અનેરો ખાસ
દુઃખ નો હતો ન પાર, જ્યારે મળતી તી હાર
ચાહું છું એ બચપન ફરી એકવાર...
નિશાળે જતાં આવતું હતું જોર,
છૂટીને ખાતાં તા કાકડી, કાતરા ને ચણીબોર.
ઝઘડતા બીજા સાથે , બેસવાને મિત્ર સથવાર.
ચાહું છું એ બચપન ફરી એકવાર...
નાના હતાં તો થવું તું યુવાન, કરવું તું અલગ નામ
થયા યુવાન તો દિવસો જાય છે આમને આમ.
જેમાં છે યાદો અનોખી શાનદાર...
ચાહું છું એ બચપન ફરી એકવાર...
- દિવ્યા
