પ્રજાસતાક:
પ્રજા જાણે ક્યાં વળી નવ અટઠે આંઠનો આંક વાળી,
ગાંધીને ભાંડી ગાળો ગુણવાન ગુણી ખુદને હરખાય.
સરદારની અસરદાર અસર સર માહે ન સમજાય,
ભગતસિંહના ભગવાને ખોટા રસ્તે ભાગવા મથે.
ઇનકલાબનો ઈલકાબ એક બાજુએ મૂકે છે લોકો,
દેશ માટે નહીં બદલો લેવા દેશની આડ લે છે લોકો.
તાત્યાની ટોપી સહુ કોઈ ફેરવે કમાવા ખુદને સ્વાર્થે,
સહુનું સહિયારું હર કોઈ દેશનો લાભ લે અહીં તો.
પ્રજાને સત્તા આપી આંબેડકરે આંબી નવી ઊંચાઈ,
ઉપર બેસી ખુરશીની સહુ એના નામે મનમાની કરે.
ચંદ્રશેખર તો બહુ આવ્યા આઝાદ મળ્યું ન કોઈ,
ફરજની વાત મૂકી આયા હકની હેલી લાગી છે.
હવે જુઓ સોનેરી ચકલીનો રંગ ઝાંખો પડતો જોયો,
આઝાદ થયા- બંધારણ ઘડ્યું- ગુલામી રહી મતીમાં.
― અપૂર્વ ઓઝા (કલમપંખ)
