પ્રેમની પારિજાત ભરી જિંદગી જીવવી છે,
હોય જો તારી તમન્ના તો સાથે જીવવી છે.
પારિજાતના ફૂલો સમી તને મારે જોવી છે,
હોય જો તારી તમન્ના તો હોઠે અડાવવી છે.
તારી કોમળ કાયા ને મારે બાથમાં ભીડવી છે,
હોય જો તારી તમન્ના તો માથે ચડાવવી છે.
મૃગનયના જેવી તારી આંખો ને જોવી છે,
હોય જો તારી તમન્ના તો સાથે દોડાવવી છે.
સ્વપનપરી જેવી તને સ્વપ્નોમાં સજાવવી છે.
હોય જો તારી તમન્ના તો સંગાથે બેસાડવી છે.
દિવસના ઉજાગરામાં તને ચાંદ બનાવવી છે,
હોય જો તારી તમન્ના તો ઓથે સંતાડવી છે.
~ સ્મિત
