મા ચંદ્રઘંટા પધારો મારે આંગણિયે.
વિનંતી મા સ્વીકારો મારે આંગણિયે.
મેં તો રંગબેરંગી સાથિયા પૂર્યા માડી,
આપો રંકને સથવારો મારે આંગણિયે.
મેં તો અગરચંદનના ધૂપ રે કર્યા મૈયાં,
આપું દિલથી આવકારો મારે આંગણિયે.
આસન બિછાવ્યાં પુષ્પો સુગંધિતનાં,
મારી ભૂલ ના ગણકારો મારે આંગણિયે.
રાહ જોઈને થાકી હું એકલીને અટૂલી,
સાદ સાભળજોને મારો મારે આંગણિયે.
નયન વરસે હૈયું તરસે દર્શન કાજે મા,
ઉરઅગન માવડી ઠારો મારે આંગણિયે.
- ચૈતન્ય જોષી. ' દીપક ' પોરબંદર
