કબરની સોગાત માં ઢળે,ખરેખર તારા ઉપર છે;
કે જીવંત ઊર્મિ માં મળે, ખરેખર તારા ઉપર છે;
આત્મિય ભાવના થી, ભળી ગયો છું હું સતત,
કે દેહાભિમાને તું ભળે, ખરેખર તારા ઉપર છે;
બેશક લિબાસ તો મારો રહેશે જ ફકીર જેવો ,
ને અમીરીથી તું તરફડે ,ખરેખર તારા ઉપર છે;
સુખદુઃખ મનમાં રહેવાનું , સ્વાભાવિક પ્રકૃતિ માં,
આનંદ વગર તું ટળવળે, ખરેખર તારા ઉપર છે;
દારોમદાર રાખવો દિલબર, બનીને કુરબાની માં,
કે દગો ફટકારી તું છળે , ખરેખર તારા ઉપર છે;
