The Download Link has been successfully sent to your Mobile Number. Please Download the App.
Continue log in with
By clicking Log In, you agree to Matrubharti "Terms of Use" and "Privacy Policy"
Verification
Download App
Get a link to download app
આંખની ભાષાને જાણો એ મજા છે. ભીતરી સંવાદ સાધો એ મજા છે કોયડા ઉકલી જશે, ત્યાં વાર કેવી? ક્યાંક ગૂંચો આપ વાળો એ મજા છે પ્રશ્ન મનમાં કેમ આવ્યો એ ખરું કે? ને જવાબો કેમ ખાળો એ મજા છે ઉદ્ભવે છે કેમ જાણે પ્રશ્ન અહિયાં? છે જવાબી યાર શાણો એ મજા છે. શાસ્ત્રમાં જોને,લખ્યું છે એ પરોક્ષમાં, વ્યર્થ ચર્ચામાં ફસાણો એ મજા છે. વેદના વાંચો શકો ,એ શકય સાચ્ચે, દર્દમાં આનંદ માણો એ મજા છે.
પ્રાણ પંખી શ્વાસમાં ઊડ્યા કરું છું, એક પતંગો આભમાં ઊડ્યા કરું છું. ક્યાંક તો અટકે જ છે મારી સફર તો, એક તૃષ્ણા ઘાવમાં ઊડ્યા કરું છું. છું મિજાજે યાર, મહોબત એટલે તો, ઈશ્ક આલમ ખાકમાં ઊડ્યા કરું છું. હુસ્નની રંગીનિયત છે જો નજર સામે, રોજ સળગી આગમાં ઊડ્યા કરું છું. ના મિલન છે આપણું ના કોઈ જુદાઈ, હોશ રાખી હાશમાં ઊડ્યા કરું છું. મોહનભાઈ આનંદ - મોહનભાઈ આનંદ
પ્રાણ પંખી શ્વાસમાં ઊડ્યા કરું છું, એક પતંગો આભમાં ઊડ્યા કરું છું. ક્યાંક તો અટકે જ છે મારી સફર તો, એક તૃષ્ણા ઘાવમાં ઊડ્યા કરું છું. છું મિજાજે યાર, મહોબત એટલે તો, ઈશ્ક આલમ ખાકમાં ઊડ્યા કરું છું. હુસ્નની રંગીનિયત છે જો નજર સામે, રોજ સળગી આગમાં ઊડ્યા કરું છું. ના મિલન છે આપણું ના કોઈ જુદાપણું, મોત મુઠ્ઠી પાશમાં ઊડ્યા કરું છું. - મોહનભાઈ આનંદ
તમે ઓળખ,ધરો સાચી ગુલાબી, પછી મ્હેંકો,જરા અંગત ખરું ને! રહો ઊભા ,હ્રદયનાં બારણે, ત્યાં ટકોરા બંધ હો રંગત ખરું ને! મોહનભાઈ આનંદ
खुशहाल हुं, लफ्ज़ ए बयां करूं कैसे, घायलभी हुं, मूस्कान अदा करूं कैसे; मैंने पाया हुं, ज़ख्म , बहुत गहरा, ख़ून तेरी है पहेचान, अदा करूं कैसे। आनंद
સ્વપ્ન/ દિવાસ્વપ્ન જાગૃતિ સ્વપ્ન અને સુષુપ્તિ અવસ્થાઓ દેહની છે.હંમેશા ઈન્દ્રિયને જગતમાં અનુભૂતિ જાગૃત અવસ્થામાં થાય છે. સુષુપ્તિમાં તો દેહમાં ચેતના ભલે હોય ,પણ એ સુધ-બુધ માં હોતો નથી. જીવાત્માને વિશ્રામની અવસ્થામાં ફક્ત ગહન ઊંઘમાં તમસ ગુણને આશ્રિત થતા આરામ ફરમાવે છે. પરંતુ જાગૃતિ અને સુષુપ્તિ અવસ્થાની વચ્ચે એક સ્વપ્ન જેવી અવસ્થા હોય છે.એમા ના તો પુરી જાગૃતિ છે,ના તો પુરી બેભાન હાલતમાં છે. એ અર્ધચેતનાની અવસ્થા છે. મન તો એક જ છે . પરંતુ એના કર્મો પ્રમાણે અલગ અલગ નામ છે, ચેતન મન, અર્ધચેતન, મનની અવસ્થાઓ પણ હોય છે. ક્ષિપ્ત , વિક્ષિપ્ત મૂઢ, વગરે.. આપણે તો મનમાં સ્વપ્ન આવે છે,એ સ્વાભાવિક છે. અને કેમ આવે છે? એ જાણવું જોઈએ. દરેક માણસમાં કશુંક પ્રાપ્ત કરવાની ઈચ્છા હોય છે.કંઈક બનવું, પામવું થવું હોય છે.ઘણીવાર એ અશક્ય જેવું પણ હોય છે. દેશ કાળ સમયથી વિપરીત પણ હોય છે. છતાંયે ઈશ્વરની અનુકંપાના કારણે સ્વપ્નમાં તમારી અધૂરી ઇચ્છા ઓની તૃપ્તિના પ્રસંગો બને છે.તમને સંતુષ્ટિ થાય છે.અને સ્વપ્ન પૂરું થઈ જાય છે. ઘણીવાર એવા સ્વપ્ન આવેછે જેની તમે કલ્પના પણ કરી ના હતી. અરે! કોઈ અલગ પ્રદેશમાં ચાલ્યા જવું, નવા નવા લોકો વાતાવરણ નવી રીતભાત અને સંસ્કૃતિનો અનુભવ પણ થાય છે.એ તમારા સંસ્કારો ના કારણવશ થાય છે. અનંત જન્મોના સંસ્કાર ચિતમાં પડ્યા છે. ઘણીવાર એક જ પ્રકારના સ્વપ્ન આવેછે,એ ક્રિયા થાય છે અને સ્વપ્ન ટુટી જાય છે. સ્વપ્ન સૃષ્ટિ એ ગજબની સૃષ્ટિ છે. સ્વપ્ન ઉપરથી જ્યોતિષમાં ફળાદેશની પણ પધ્ધતિ છે. સ્વપ્ન સારા, નરસા , બિહામણા ,રંગીન મિજાજી અને એક અજીબ સૃષ્ટિ જે તમારી કલ્પનાની બહાર છે.એવા પણ દિવ્ય સ્વપ્ન આવે છે. ઘણીવાર સ્વપ્ન દ્વારા નિર્દેશ પણ મળે છે. ઘણીવાર વાર સ્વપ્નમાં તમારા કોયડા કે પ્રશ્નોના પણ સમાધાન મળતા રહે છે. સ્વપ્ન સૃષ્ટિ એ ઈશ્વરની કૃપા છે. એમાં તમારી જિંદગી માટે ઘણું સમાધાન અને રસ્તો મળે છે. સ્વપ્ન માણસને હળવો બનાવી દે છે. અમુક સ્વપ્ન ભયંકર પણ હોય છે. આખરે સ્વપ્ન સૃષ્ટિનાં રચયિતા તમે સ્વયં છો.એ વાત ભુલવી જોઈએ નહીં.ખરેખર સ્વપ્નશીલ હોવુ એ ઈશ્વરની કૃપા અથવા વરદાન છે. દિવસે આવતું સ્વપ્ન અથવા મનો રાજ, કે મનની કલ્પના ને આપણે દિવાસ્વપ્ન કહીએ છીએ. માણસને ઈશ્વરે એક અતિ ઉત્તમ સાધન મન આપ્યું છે. એ દિવ્ય છે.મનની શક્તિ અગાધ છે.એ મનને અંત:કરણ પણ કહ્યું છે. મન એટલે સંકલ્પ વિકલ્પ કરવામાં આવતી શક્તિ અથવા વિચાર શક્તિ. મન એ જ નિર્ણય કરવામાં આવતી તાર્કિક શક્તિ એટલે બુધ્ધિ છે. ચિત્ત માં રહેલા સંસ્કાર દ્વારા સ્પંદનો અને વિચારો ઉત્પન્ન કરનાર ચિત પણ મન છે. આને દેહ અભિમાન ધ્વારા ઈન્દ્રિયો સાથે જોડાયેલી શક્તિ હું જીવ ભાવ કે અહંકાર પણ મન જ છે. આ મન બુદ્ધિ ચિત્ત અને અહંકાર ને અંત:કરણ કહેવાય છે.માનવીને ઈશ્વરે કર્મ કરવાની સ્વંત્રતા સાથે ઈચ્છા શક્તિ અને ક્રિયા શક્તિ આપી છે.તેથી તે જાત જાતના મનોરથો કરેછે. અને એ પૂર્ણ કરવામાં આખી જિંદગીની બાજી લગાવી દે છે.કલ્પનાના ઘોડા પર સવાર થઈને એ ઊડાન ભરે છે. પોતાના દિવાસ્વપ્નને સાકાર કરવા મરણિયો પ્રયાસ આદરે છે.
છાલક સુરાહી ની જુઓ વાગી જરા ભીતર હતી મસ્તી, હવે જાગી જરા શબ્દોની અંતરમાં એ પ્યાસ લાગી છે ને વાંસળી મોહનની સૂરમાં રાગી જરા. -મોહનભાઈ આનંદ
સુખ ઝાંઝવાના,જળ અહીં, દુઃખ છે સદા જો પળ અહીં. આયખું ,હવા જેવું દીસે, શ્વાસોમાં સાચી કળ અહીં. ધારણ જીવન છે ધર્મમાં, મન છેતરાયા ,ખળ અહીં . ખોટા જ દમ જો ભીડતા, વાળે મૂછો , વળ અહી પ્રેમાળ છે, ત્યાગી જનો, આનંદ સાચે, બળ અહીં ખળ = ધૂર્ત -મોહનભાઈ આનંદ
દર્દોનું તું બારણું , કદી ખોલીશ ના, કોઈ વ્યર્થ શબ્દોને કદી બોલીશ ના. પ્રારબ્ધમાં છે એ મળી રહેવાનું છે, લાગે ભલે ઓછું ,કદી તોલીશ ના. છોને વગાડે બિન મદારી જેમ મન, ફણિધર ની જેવો તું કદી ડોલીશ ના. મીઠી જરા વાતો થી ભરમાઈ કદી, ભાવો તું શબ્દોમાં કદી જોડીશ ના. ખીલી જવા આનંદમય જીવન જરા, સંસાર ચિંતન મન, કદી ફોલીશ ના. -મોહનભાઈ આનંદ
Copyright © 2025, Matrubharti Technologies Pvt. Ltd. All Rights Reserved.
Please enable javascript on your browser
