કોરોના નો કેર જોઈ દુનિયા ઠપ થઇ ગઇ
આપસ માં લડતી દુનિયા સ્તબ્ધ થઈ ગઈ
મહાસત્તા હાથ લંબાવા મજબૂર થઈ ગઈ
જાણે મોતથી બચવા ગરીબ ગાય થઈ ગઈ
ભૂલી ચૂંટણીના વેર પાર્ટીઓ એક થઈ ગઈ
જંગ લડવા કોરોના સામે સજ્જ થઈ ગઈ
દુનિયાની તાકત દવા શોધવા લીન થઈ ગઈ
જેહાદ આતંકવાદની વાત હવે બંધ થઈ ગઈ
તવંગર બનવાની લ્હાય હવે બંધ થઈ ગઈ
દાન કરવાની હવે જગમાં લાઇન થઈ ગઈ
અણુ-મિસાઈલ ની સ્પર્ધાઓ બંધ થઈ ગઈ
વસુધેવકુટુંબ ની ભાવના જાગૃત થઇ ગઈ
લાખો પ્રયત્ને માનવતા ક્યાંય પ્રગટ ના થઈ
બસ એક કોરોના વાઇરસથી મહેર થઈ ગઈ
આર.પી.ઝાલા
