Gujarati Quote in Poem by Patel H.D.

Poem quotes are very popular on BitesApp with millions of authors writing small inspirational quotes in Gujarati daily and inspiring the readers, you can start writing today and fulfill your life of becoming the quotes writer or poem writer.

Patel H.D.
4 year ago

ઊર્મિગીત:- "મન મારું હરખાય...!"
મધુર મધુર શો ને મંદ મંદ,આ વૈશાખી વાયરો વાય;
લહેરાતાં સૌ ફૂલડાં ને નિરખીને મન મારું હરખાય.
મધુર મધુર શો ને મંદ મંદ આ..(૧)
પૂર્વાકાશનું પરોઢ ફૂટતાં,સૂરજદેવનું તેજ છે રેલાય;
આ કાળરાત્રીએ પ્રસરાવેલો,બધો અંધકાર ઠેલાય.
મધુર મધુર શો ને મંદ મંદ આ..(૧)
અવની કેરા આ ઉપવન માંહે,સહુ તરુવર લહેરાય;
પર્ણોથી અહીં ટકરાતાં પાનનું,સંગીત મધુર ફેલાય!
મધુર મધુર શો ને મંદ મંદ આ..(૧)
'ગિરિપિતા'ને છોડીને આવતી,સરિતા ચાલી જાય,
ઉછળતી એની છોળો જોઈને,મન મગ્ન થઈ જાય.
મધુર મધુર શો ને મંદ મંદ આ..(૧)
આંબાની ઘનઘોર ઘટામાં,રૂડો કોકિલનાદ સુનાય;
ખેતર-શેઢે બેઠું ભાતું ખાતું,કો' નવયુગલ શરમાય.
મધુર મધુર શો ને મંદ મંદ આ..(૧)
સીમે ચરંતા ગૌધણની ,ત્યાં ઘૂઘરમાળ સંભળાય;
રોતા ઉરની વાતડી કે'તા,કો' બંસીના સૂર વિલાય.
મધુર મધુર શો ને મંદ મંદ આ..(૧)
શાંતરાત્રીમાં આભેથી,ઓલ્યો અમૃતકુંભ ઢોળાય;
ચંદાની એ ચાંદની નિરખતાં "અનામી" નેન ઘેરાય.
®®®®®®®~~~~~~~~~~~~~®®®®®®®®
રચના તારીખ:-૨૭/૫/૨૦૨૦.
રચના સમય:-૯:૦૦થી ૧૧:૩૫pm.