મોટા મોટા માણસ થઇને કરવાનું શું?
ધોળે દિ'એ 'ફાનસ' થઇને કરવાનું શું?
એકે ટીપું એમાંથી જો વરસે નહીં તો,
આખેઆખું 'વાદળ' થઇને કરવાનું શું?
જો કદી એ બીજા માટે થાય ના ભીની,
બેઉ આંખે 'પાંપણ' લઇને કરવાનું શું?
ઢાંકે તો તું જીવતાનું એક અંગ ઢાંકજે,
બાકી પેલું 'ખાંપણ' થઇને કરવાનું શું?
એ છે સર્જક તો અમે પણ સર્જન એના,
શ્વાસે શ્વાસે 'માંગણ થઇને ફરવાનું શું?
લખવા તારે લાગણીઓની સ્યાહી છે ને?
બાકી 'કોરા કાગળો' લઇને કરવાનું શું?
-પ્રેમ થી ભરેલા હ્રદય ના એક એકાંત વાડા ભાગ થી પ્રેરીત
