સ્વીકારી લીધી, હાર માની લીધી થઈ ગઈ હતી ભૂલ
શું કરીયે હવે સાચા જવાબનો સવાલ જ ખોટો હતો
હવે લોકોને થોડીને કેહવા જવાય કે ક્યાં ક્યાં ખોટા હતા
એ જ આંગળી ચીંધી કહેશે આને કેટલો દેખાડો હતો
આ તો ઝીંદગી છે સાહેબ સાચી ગણતરીઓય ઉંધી પડે
ત્યારે જ તો ખબર પડે ને કે સગામાં કોણ સાચો હતો
ફરિયાદ કરી આંગળી ચીંધી ને કેટલાય આરોપો લગાડ્યા
અંદર જોયું ખબર પડી કે ખુદ નો ગુનેગાર ખુદ જ હતો
આંધળું અનુકરણ કર્યું, ચાલવા લાગ્યો'તો ઘેટાની સાથે
રહી રહી ને જ ખબર પડી હું મારાથી જ વેગળો હતો
ખિસ્સા ફંફોળ્યા ખાલી નીકળ્યા સિક્કા બેફામ નીકળ્યા
બસ રાતદિવસ એક કરવાં, એ એક જ રસ્તો હતો
