માધવ તારા અધર પર
તું ધરે...મારે વાંસળી બનવું છે
માધવ તારા મસ્તક પર
તું ધરે...મારે મોરપીંછ થાવું છે
માધવ તારા બદન પર
તું ધરે..મારે ઉપરણી થાવું છે.
માધવ ઉરમાહીં
તું ધરે ..મારે ધબકાર થવું છે
માધવ જતન કર
તું મારૂ..મારે મતવાલી મીરાં થાવું છે!
માધવ...માધવ..માધવ
એકવાર ઘડીભર
તું બની જા રાધા
તારું હ્રદય રાધાનુઃ થશે
તો પછી....?
બધી જ વ્યથા વંચાઇ જાય
બધા દરદની દવા મળી જાય
મારૂ દરદ ઉકેલાય જાય
તું તારા મનને
માખણ જેવું મુલાયમ કરી લે
પછી...પછી?
મારી આંખને
મારા હૈયાને
મારા હોઠને
કશું જ ઉચ્ચરવું નહી પડે
ખરૂ ને?
