આજે વ્રજમાં આનંદ અપાર,
જન્મ્યા નટવર નંદકુમાર.
ઉજવાય જાણે કોઈ તહેવાર,
જન્મ્યા નટવર નંદકુમાર.
સઘળે ' લાલો ભયો' ના ઉચ્ચાર,
ઉત્સવ જનેજનના આચાર.
ત્યજી કામને મગ્ન સૌ નરને નાર,
જન્મ્યા નટવર નંદકુમાર.
સહુએ સજ્યા ગમતા શણગાર,
કૃષ્ણ દર્શને લાંબી કતાર.
સાક્ષાત પરબ્રહ્મ તણો અવતાર,
જન્મ્યા નટવર નંદકુમાર.
જગનો તાતને જગતનો આધાર,
પુષ્પવૃષ્ટિ દેવગણ કરનાર.
જેને ભજતાં હોય જીવનસાર,
જન્મ્યા નટવર નંદકુમાર.
ચૈતન્ય જોષી. ' દીપક ' પોરબંદર.
