મારે અને ઇશ્વરને ઘર જેવું
મીઠા ઠપકા અને પ્રેમ જેવું
મે કહ્યુ દોસ્ત તું બધું ધ્યાન રાખે
તોય વારંવાર લાગણી દુભાય એ કેવુ?
તો કહે, જો દોસ્ત
હું માત્ર હ્રદય સ્વસ્થ ધબકતું રાખુ ,
તું ભાવુક, જ્યાં ત્યાં દિલ ખોલે એ કેવુ?
ગાઢ બને જેની અને તેની સાથે,
એને ઓળખે પારખે નહી, એ કેવુ?
વરસી પડે એના પર, ભીંજાય તું,
એ મતલબી રહે સાવ કોરા, એ કેવુ?
પછી તો દિલ દુભાય જ દોસ્ત,
શીખી જા હજી થોડુ મારા જેવું,
આવે અનેક, ભલે ખોટુ વરસે અનેક,
પણ હું ના વરસુ સૌ પર એક જેવું , કેવુ?
હ્રદય રાખું કઠોર ના પૂરો ભીંજાઉં
બોલ દોસ્ત હવે છે આમા તારે કંઈ કહેવુ?
