ધાર્યું ધણીનું થાય જગતમાં,
લીલા એની ન કળાય જગતમાં.
મનના અહંને નેવે મૂકોને.
હરિ નામ કદી ના ચૂકોને.
પામર પ્રાણી મૂંઝાય જગતમાં....1.
એના ઇશારે દુનિયા ચાલે,
કેવો રચ્યો સંસાર વહાલે,
કર્મ કદી મિથ્યા ન થાય જગતમાં...2.
કાલે કર્યું આજે પામવાનું,
એમાં સૌ કોઈએ જીવવાનું,
કર્મની ગતિ ના પમાય જગતમાં...3.
રંકને રાજા થતા જોયા,
ચમરબંધીને ઝૂકતા જોયા,
નામ થકી તરી જાય જગતમાં....4.
ચૈતન્ય જોષી. ' દીપક ' પોરબંદર. દરબારી કાનડા.
