શ્રીહરિને ગમતું હશે હૃદય મારું.
એ કાજ નમતું હશે હૃદય મારું.
છે ઝંખના એની પ્રભુ પામવાની,
એથી જ ધબકતું હશે હૃદય મારું.
સ્મરણ સતત કરે છે એનું એ તો,
મળવા જ ટપકતું હશે હૃદય મારું.
છે અંશ અંશીના વિયોગની વાત,
ટપકારે ધ્યાન ધરતું હશે હૃદય મારું.
સ્ફુરણા,સ્પંદનોને ઉરઝંકાર એનો,
રક્ત એના નામે ઝરતું હશે હૃદય મારું.
મંદિર છે એ મૂઠી જેવડું મહાનને,
અદ્રશ્ય કોઈ વિહરતું હશે હૃદય મારું.
ચૈતન્ય જોષી પોરબંદર. ' દીપક '
