આંખોએ આંજેલું સપનું ઉઘડ્યું,
આશાને અજવાળે પ્રભાત ઉઘડ્યું;
હાથોએ આળસનું આંગણું છોડ્યું,
જોવોને ઘડિયાળે કમઠાણ છેડ્યું;
હૈયાના મધ્યાહને તડકો મહોર્યો,
'કામો'ની ખેંચતાણે આંધણ ઉમેર્યું ;
કાળજે ઝંખનાએ મોરચો ખોલ્યો,
પામ્યા કે ખોયાનો ચોપડો તોલ્યો;
નાભિએ ભિતરેથી જોમને આદર્યુ,
થોડામાં ઘણું કરીને તાકડો રચ્યો;
ભાગેલા કદમોએ ઉમળકો શોધ્યો,
બાકીના અંતરોએ મારગડો કાપ્યો;
દેવાંગો સા સંધાયને ઉંબરો પોકાર્યો,
સાંજે ધરભણીનો મારગડો સુજ્યો !
