બહુ થઈ ગયું ,વિશ્વ મહિલા દિન, સાંભળી ને હવે થાક્યા કાન,
ભાઈ, જૂના જમાના ગયા, હવે કોણ નથી આપતું સ્ત્રી ને સન્માન ?
હા એણે મને આપ્યો સહારો, તો મેં ય એને છુટ્ટો દોર છે આપ્યો ,
ચાંદ પર જાય કે ચડે આકાશ, મેં કયે દિવસે એનો પતંગ કાપ્યો ?
એમાં ક્યાં કંઇ છે બેમત,નારી છે શક્તિનો ભંડાર
પ્રભુ નું અદકેરું સર્જન , આદ્ય શક્તિ નો અવતાર !
પ્રભુ એ અમને સર્જવામાં રાખી હોય કચાશ ,તો વગર વાંકે ના લજવો
અમને ય હોંશ ના થાય? ' પુરુષ દિવસ ' બી કોક દી ઉજવો !
