સવા ભાગનું આયખું કાઢવું પડશે
એ મકાનમાં ન્હોતી ખબર.
હાઇવેથી ચાર ઘાઉ ચાલવું પડશે
એ વાટમાં ન્હોતી ખબર.
જન્મભૂમિ પોકારે જાવું પડશે
એ ગામમાં ન્હોતી ખબર.
વનપ્રસ્થાશ્રમે નિવૃત થાવું પડશે
તત્કાલમાં ન્હોતી ખબર.
ભેરૂઓ સંગ ઓટલે બેસવું પડશે
એ માઢમાં ન્હોતી ખબર.
હૈયે ને હોઠેથી ઉમંગવું પડશે
એ વાતમાં ન્હોતી ખબર.
વારે તહેવારે રહેવું પડશે
વ્યવહારમાં ન્હોતી ખબર.
હરખાઈને જીવતર હોમવું પડશે
બાગમાં ન્હોતી ખબર.
એ મકાન નથી રહેવું પડશે
ઘરમાં ન્હોતી ખબર.
કુદરતે કુદરતથી રીઝવું પડશે
મુજમાં ન્હોતી ખબર.
સવા ભાગનું આયખું ગાળવું પડશે
વતનમાં ન્હોતી ખબર.
હાઇવેથી ચાર ઘાઉ ચાલવું પડશે
વાટમાં ન્હોતી ખબર.
નીતિન રાવલ નીમુ'રા
પસવાદળ
