બાગબગીચે શોભા વધારે પતંગિયું.
રહેતું સદાય પુષ્પો સથવારે પતંગિયું.
સાવ હળવુંફૂલ એ ભમતું રહે સદા,
રંગવૈવિધ્યે બાગને શણગારે પતંગિયું.
સાચે લાગે કેવું નિર્દોષ રંગના ઊભારે,
જઈ ચડતું ફૂલ પાસે વારેવારે પતંગિયું.
ક્વચિત્ કોઈ બાળ કરગ્રહીને રમાડે,
એની અંગુલીમાં રંગ પ્રસારે પતંગિયું.
ઉડતું, હરખતું હોંશેહોંશે મન મુસકાતું,
ભાસતું કેવું ભોળું એ આકારે પતંગિયું.
ચૈતન્ય જોષી પોરબંદર. ' દીપક '
