Mess se khana khaakar apne kamre mein pahuncha. jute utarkar jaise main apne bistar pe leta tha ki kisi unknown no. se call dekha.
thoda ajraj mein padkar maine use wapis call kiya to ek jaani pehchaani si aawaz sunai padi. apni yaddasht ko usse milane ki koshish kara jab to ek chehra dikha,
jaana pehchaana sa. pahle hi shabd mein wo puraana pyar chhalak gaya tha jo hum dosto ke gusse aur khushi ki jhalak thi. main apne vartman mein fir se wapis lauta
aur khushi se mera chehra bhara mila mujhe. bade saalon baad maine uski aawaz suni thi aur uski pahli gaali ne hostel un 2 saalon ki saari yaadon ko badi tezi se aankhon ke
saamne se guzar diya. wo subah ki workout, shaam ke khelon mein saath milna, mess mein dhimi aawaz mein kari chugliyan aur mazaak, raat ko sone se pahli ki
baatein aur dusron ke secret pe man hi man hanskar use santvana dene ka silsila bada hi khushnuma tha. achanak hi 2-4 aur sushabdon ke prahar ne mujhe apne vastivka
mein dhakel diya.
