સદાકાળ મુજ જીહ્વામાં વસતી માતૃભાષા ગુજરાતી.
મને હરહંમેશ ઉચ્ચારવી ગમતી માતૃભાષા ગુજરાતી.
મળી ભેટ મને મુજ જનેતાથી જન્મ સમયથી સુંદર,
હાલરડાંની હલકમાં હોય વહેતી માતૃભાષા ગુજરાતી.
સરળ, સહજ,સાનુકૂળ સર્વ ગુજરાતીને હોય સાધ્ય,
વ્યાકરણે અલંકારે સાજ સજતી માતૃભાષા ગુજરાતી .
હોય વિદેશે મુલાકાત ક્વચિત જે આપણો ગુજરાતી,
પરિચયે સ્વજનથીય અધિક લાગતી માતૃભાષા ગુજરાતી.
ઘર,કુટુંબ કે પરિચિતોમાંહે સ્થાન અદકેરું જે પામતી,
સ્વપ્નમાં પણ એજ મને સંભળાતી માતૃભાષા ગુજરાતી.
ચૈતન્ય જોષી પોરબંદર.
