તું તારું કર લક્ષ્ય નક્કી પ્રયત્નબળે જરુર ફળવાનું .
ના રાખ વલણને જક્કી પ્રયત્નબળે જરુર ફળવાનું.
લક્ષ્યવેધ અવશ્ય તારે જ કરવાનું નિજ બાહુબળે,
નથી નિષ્ફળતાની વકી પ્રયત્નબળે જરુર ફળવાનું.
છે અંતરાયો ઘણા લલચાવતાને તને રોકનારા હોય,
આત્મબળે જ તરક્કી પ્રયત્નબળે જરુર ફળવાનું.
કર મુકાબલો દ્રઢ મનોબળ રાખીને મુસીબતોનો તું,
આવરણ નથી કૈં આતંકી પ્રયત્નબળે જરુર ફળવાનું.
તું જ તારો સારથિને તું જ વિજયપથગામી એકલો,
ના કરીશ જગની નૌટંકી પ્રયત્નબળે જરુર ફળવાનું.
ચૈતન્ય જોષી પોરબંદર. ' દીપક '
