*જિંદગી*

ક્યારેક મજાની તો ક્યારેક સજાની
લાગે છે...
જિંદગી, તોય મને તારી આ રીત અનજાની લાગે છે...!

ક્યારેક હાસ્ય તો ક્યારેક રુદન
આપે છે...
જિંદગી, તોય મારી દુઆ તું કબૂલ
રાખે છે...!

ક્યારેક સુખ તો ક્યારેક દુઃખ
આપે છે...
જિંદગી, તોય મને તું જીવવા લાયક
લાગે છે...!

ક્યારેક વફા તો ક્યારેક બેવફા
લાગે છે...
જિંદગી, તોય મને તું ચાહવા લાયક
લાગે છે...!

ક્યારેક ફિક્કી તો ક્યારેક લઝીઝ
લાગે છે...
જિંદગી, તોય મને તું દિલથી અઝીઝ
લાગે છે...!

ક્યારેક રંગીન તો ક્યારેક બેરંગી
લાગે છે...
જિંદગી, તોય મને તું સંવેદનાથી છલકાતી લાગે છે...!

ક્યારેક નાસમજ તો ક્યારેક સમજદાર લાગે છે...
જિંદગી, તોય મને તું વ્યવહારુ
લાગે છે...!

ક્યારેક તડકો તો ક્યારેક શીળી છાયા
લાગે છે...
જિંદગી, તોય મને તારી મૌસમ ખુશનુમા લાગે છે...!

ક્યારેક કોયડો તો ક્યારેક ઉકેલ
લાગે છે...
જિંદગી, તોય મને તું ગણિત નો પ્રમય
લાગે છે...!

ક્યારેક ભ્રમ તો ક્યારેક હકીકત
લાગે છે...
જિંદગી, તોય મને તું હસિન સપનું
લાગે છે...!

ક્યારેક રહસ્યમય ક્યારેક માયામય
લાગે છે...
જિંદગી, તોય મને તું તેજોમય
લાગે છે...!

ક્યારેક કહાની તો ક્યારેક કવિતા
લાગે છે...
જિંદગી, તોય મને તું રચયતાની લાગણી લાગે છે...!

ક્યારેક તારામાં તો ક્યારેક મારામાં
લાગે છે...
જિંદગી, તોય મને તું વ્હાલી આપણામાં લાગે છે...!

-- રામ ભરવાડ

Gujarati Funny by Ram Bharvad : 111060641
ધબકાર... 8 year ago

આ ચોરી કેમ કરવી પડે ..?? નામ રામ અને કામ ચોરી...રચના delete karo..

Shefali 8 year ago

મારી રચના શેર કરો છો તો નીચે મારું નામ તો રાખો...

The best sellers write on Matrubharti, do you?

Start Writing Now