શબ્દો વિના સઘળું સમજાવી જાય છે મૌન.
ચહેરાની ભાષાની અભિવ્યક્તિ થાય છે મૌન
વાણીદોષથી રહી દૂરને આગળ વધનારું એ,
કોઈ સમજુને વળી સમયે સમજાય છે મૌન.
વૈખરીની વિદાય થઈ ગઈ જ સમજવાની છે,
પરાથી પણ પર રહીને એ પ્રગટ થાય છે મૌન.
અદભુત રહી તાકાત એમાં શૈલને પીગાળતી,
વજ્રથી કઠોરને પણ હચમચાવી જાય છે મૌન.
સહનશીલતાનું સત્વ ભીતરે પ્રકાશી ઊઠનારું,
સાધનાના મૂળમાંહે દ્રષ્ટિગોચર થાય છે મૌન.
ચૈતન્ય જોષી પોરબંદર. ' દીપક '
