મનનાં મનામણા અશ્રુઓનાં ઉંબરે તે વળી કેવા?
મીંચાઈ ગયેલી આંખોને પાંપણનાં મિજાગરા શું લેવા?
વલોવાતા મસ્તિષ્કને ઝંખનાઓના આસ્વાદ તે વળી કેવા?
અજંપા સી નીંદરે દિવાસ્વપ્નનાં આવેગો શું લેવા?
લાગણીઓનાં ઘોડાપૂર તણાતી રહેતી ભ્રમરોમાં તે વળી કેવા?
રચાતી વીખાતી રેખાઓને લલાટનાં અભરખાં શું લેવા?
વહેતા ભાદ્રપદ આસોને ખંજનોનાં અવરોધ તે વળી કેવા?
મૌનનાં મેદાને રમાતી રમતનાં ગુનેગાર ઓષ્ઠ શું લેવા?
-'ક્ષિતિજ' પાર્થ ગજેરા
