Quotes by Nirmit Thakkar in Bitesapp read free

Nirmit Thakkar posted an update Gujarati Poem

દીવો થઈ બળ્યો હું,સૂરજ થવાને ખાતર
ખુદથી જ ખુદ લડ્યો હું,પોરસ થવાને ખાતર

ઉઠ્યો-દોડ્યો-પડ્યો હું, મંઝીલને ખુંદવા ખાતર
તરસ્યું હરણ રહ્યો હું, ઝાંઝવાના જળની ખાતર

છું છલકાતો સાગર,સાકીના સરંજામ ખાતર
ને એકાંતે પડઘાતો કૂવો, હૃદયના અંજામ ખાતર

આંખોમાં ઘેરાતો વરસાદ હું,લાગણીની હેલી ખાતર
ને છું લાલઘુમ ત્યાં જ હું, દગાની દફતરી ખાતર

હતો કાયદો જ્યાં જંગલનો,સાવજ થવાને ખાતર
એ બારણે જઈ ચડ્યો હું,ગોરજ થવાને ખાતર

- નિર્મિત ઠક્કર (૧૬/૧૦/૨૦૨૪)

38 Views

2 others like this post.

Nirmit Thakkar posted an update English Poem

3 month ago

પથ્થર પુંજાય દિવસ આખો-ભક્તિભાવથી,
ને રોજ સાંજે એકલો,શયન આરતી પછી

એ જુએ ભક્તો ઉભો ઉભો, પધારે જે જોજનોથી,
ને તોયે એક ઇંચ હાલે નહીં, પ્રાણ પ્રતિષ્ઠા પછી

કરે માનતાઓ સૌની પુરી,પુનમ-અમાસ ને સઘળી,
પણ પોતે કંઈ કેમ કરી માંગે? જીભ નથી સ્મિત પછી

પેહરે વાઘા,મુગટ ને સાફા-શોભે અભૂષણો થકી
ને ઉભો'રે ફલાંગો છેટો દુર,આગળની દાનપેટી પછી

હતો રાજાધિરાજ જે સોનાની દ્વારિકાનો
એય હતો એકલો,પ્રભાસે પારધીના સંધાન પછી
- નિર્મિત ઠક્કર (૦૧/૧૦/૨૦૨૪)

67 Views

3 others like this post.

Nirmit Thakkar posted an update Gujarati Poem

4 month ago

જિંદગી ફેલાયેલી પડી છે જંગલ સમી
ત્યાંજ મનનું માંકડુ કૂદયા કરે છે- અહીં તહી

એક અજીબ યુદ્ધ ચાલે છે,અંતરના ઊંડાણ મહી
કંઇક જીત્યો જાહેરમાં,ત્યારે જ કંઇક હાર્યો મન મહી

ભુખ અને ઉંઘ વેચી,ખરીદી આ સવલતો મેં- એ તો ઠીક
પણ એનું શું? જે જગા બાકી છે, નિરાંતની ખિસ્સા મહી

ભેગી કરતો રહ્યો ભીડ સમર્થનોની ભરબજારમાં કાયમ
હવે હડસેલી રહ્યો છું સઘળું,એકાંતની શોધ મહી

સંભળાવી દીધા કિસ્સા તમામ,ગગનને ગઈ રાતે મેં
આજે હું ચુપ છું,ને વરસ્યા કરે છે આભ ચોધાર થઈ
- નિર્મિત ઠક્કર (૨૯/૦૮/૨૦૨૪)

66 Views

6 others like this post.

Nirmit Thakkar posted an update Gujarati Motivational

4 year ago

બહું હાંફી જાય એટલે જરા વિસામો માંગે,
માણસ છે...જરા પડે એકલો,ત્યાં ભીડ માંગે,

નીકળી જાય સડસડાટ મંઝિલ સુધી સાગમટે,
ને પછી રસ્તે છુટેલા સંગાથોના જામીન માંગે,

નિરાંતનાં સપના કરવા પુરા,એ રાતોની રાત જાગે,
ને પછી નિરાંતનાં અજંપે,બે ઘડીની ઊંઘ માંગે,

મુકી દે દાવ પર દોસ્ત,પરિજન ને ક્યારેક ખુદને પણ,
હારી જાય સૌને,પછી જંગ જીત્યાનો તહેવાર માંગે,

રામ હોય કે હોય કૃષ્ણ,સદીઓનો એજ વહેવાર છે,
ઈશ્વર પણ બને જો માણસ,વીતેલી ક્ષણો ફરી એકવાર માંગે.

- નિર્મિત ઠક્કર

179 Views

14 others like this post.

Nirmit Thakkar posted an update Gujarati Poem

4 year ago

મહેંકી ઉઠ્યા આજ,ફુલદાનીનાં નકલી પુષ્પો,
ચોક્કસ આંગણે વસંત આવી હશે.

પંચમી વસંતની હોય,ને ત્યાં વળી તારૂ સ્મિત રેલાય,
પછી તો તુજથી હું અને મુજથી તું છલકાય.

છે સરખાપણું વ્યવહારમાં મારા,તારા ને વસંત થકી,
વસંતને ચાહું છું અનહદ અને ચાહિશ તને અંતકાળ લગી.

સ્મિતને તારી વર્ષા કહું,હુંફ ને તારી ગ્રીષ્મ કહું,
કહું ઓઢણી ને તારી શીશર,ને તને આખે આખી વસંત કહું.

ઘેરી વળે જો મૃગજળ મને,તો તું આવી જજે,
જ્યમ પાનખરથી પીડાતા વનને વસંત મળે.

ઢળતી સાંજે, જ્યારે શ્રમવેદનાથી ઢળી પડયા તમે,
દ્રશ્ય,વસંતના ભારથી લચી પડેલા વૃક્ષનું ખડું થઈ ગયું.
- નિર્મિત ઠકકર