The Download Link has been successfully sent to your Mobile Number. Please Download the App.
Continue log in with
By clicking Log In, you agree to Matrubharti "Terms of Use" and "Privacy Policy"
Verification
Download App
Get a link to download app
అద్దం నా అందం గురించి అబద్ధం చెప్పనిది — నడవలో నిలువుటద్దం ఒక్కటే. అది మాట్లాడదు, కానీ — నివురుగప్పిన నిజాన్ని నాకు తెలిసేలా చేస్తుంది. -
హార్ట్ స్పెషలిస్ట్ దడ పుట్టించే గుండెకు ధైర్యం చెప్పే వాడు, నిస్సహాయ శబ్దంలో ప్రాణం ఊదే వాడు। నిలువెత్తు జీవితం, ఓ పందిరిలా కూలుతుందంటే, దాన్ని మళ్లీ నిలబెట్టే వైద్యం తెలిసిన వాడు। ఇకోలో వింటాడు గుండె బాధలు ఇసిజిలో చదివాడు మనసుల భావాలు। ఒక్క చిన్న మార్పు ఓటమి గోడు, అది గెలిపించేదే ఇతని వృత్తి మోక్షపథము। ఓ బీటు తప్పితే గాలి ఆగుతుంది, కానీ ఇతని చేతి తాకిడి జీవం జాగృతం చేస్తుంది। స్టెంట్ పెట్టినా సరే, ఆశను తొలగించడు, పేషెంట్‌ను కాదు, కుటుంబాన్నే మోస్తున్నాడు। తన చేతుల్లో గుండె గబగబ మ్రోగితే, తన హృదయంలో నిశ్శబ్దంగా ప్రార్థన మారుతుంది। సైన్స్‌తోనే కాదు, ప్రేమతోనూ నడిచే మార్గం, హార్ట్ స్పెషలిస్టే నిజంగా హార్ట్‌లో ఉన్న దేవుడు అని ఋజువు!
- బంధం ఆ దృశ్యం – సాంప్రదాయ జీవనశైలికి ఒక జీవచిహ్నం. ప్రకృతి ప్రేమికుల పుటలలో ఒక జరగని జ్ఞాపకం. సాంప్రదాయ రవాణా విధానానికి ఒక నిశ్శబ్ద సాక్ష్యం. భారతీయ పల్లె జీవనశైలికి ప్రతిబింబంగా నిలిచిన బండి బాట. ఆ రైతుకు తెలిసింది ఒక్కటే – తన బ్రతుకు బండిని లాగుతున్నది ఆ మూగజీవులేనని. అతనికి నమ్మకం. ఆ మూగజీవులకి రైతు అంటే గట్టి నమ్మకం – వేళకు కడుపు నింపుతాడని, వానొచ్చినా, ఎండ తాకినా వాటిని విడిచిపెట్టడు అనేది. ఆ బాటలో సాగుతున్నది ఒక బండి కాదు, ఒక జీవితం... ఒక బంధం... ఒక నిశ్శబ్ద ప్రేమగాధ. రచన మధునాపంతుల చిట్టి వెంకట సుబ్బారావు కా కినాడ 9491792279
గాంధీ పోరు బందరున జనియించి సత్యమే సైన్యముగా అహింసా మార్గమున స్వాతంత్రపు పోరు సల్పి కొల్లాయి గట్టి చేత కర్రను బట్టి దండి మార్చ్ నడిపి ఎర్రకోట పై త్రివర్ణ పతాకము రెపరెపలాడించి భరతజాతికి పితగా వెలుగొంది అమరుడయ్యాడు మన గాంధీ. ఇనుముడించినది భారతజాతిఖ్యాతి గాంధీ పుట్టిన దేశముగా విశ్వమునకు ఆదర్శమయినది గాంధీ సత్యాగ్రహపు బాట వీధులన్నీ ఊడ్చి స్వచ్ఛభారతకు నాoది పలికిన బాపూ మాకు మహాత్ముడైనావు ఎటుల తీర్చుకొoదము నీ ఋుణము. ఊరిలో మూల నున్న జనులను హరి జనులని కీర్తించి అంటరాని తనమును తరిమి కొట్టి అజ్ఞానమును తొలగించి భరతజాతి కీర్తి పతాకస్థాయిని పెంచి పడరాని పాట్లు పడి భరతజాతి దాస్య విముక్తిని కలిగించిన బాపూ మరల జన్మించు. అంటరానితనము మాటే మరిచితిమి మద్యపానమును మరువలేకుంటమి విశాల భారతావనిని స్వచ్ఛభారత్ గా చేసుకొంటిమి గాంధీ మరల పుట్టి నువ్వు ప్రజల మత్తును పారద్రోలూ అల్లరి చేసేటి బిడ్డను అమ్మ మరిపించినట్లు మత్తులో మునుగుతున్న బాబులను మంచి త్రోవలో నడిపించు రథసారధివై మత్తు పై రణభేరి మోగించు. బాపూ మరల పుట్టి మా ప్రజలను రక్షించు. రచన మధునాపంతుల చిట్టి వెంకట సుబ్బారావు కాకినాడ 9491792279
కన్యాదానంలో కన్నీటి ముత్యాలు. పసిపిల్లగా ఒడిలోకి వచ్చావు, పలుకలేని పలుకులతో నన్ను తడిపినావు. నిన్ను నిద్రపుచ్చేందుకు పాటలే నేర్చుకున్నా, నీ నవ్వు కోసం నేనూ చిన్న పిల్లనైపోయా. నడక నేర్పించేందుకు పట్టుకున్న చిటికెన వేళ్ళు – ఇప్పుడు నీ జీవితాన్ని నడిపించబోతున్నాయి. ఇది బాధ్యతల బంధం, ఇక్కడ అనురాగాల బంధం. మా ఇంట్లో మహాలక్ష్మిగా వెలిగిన నువ్వు, ఈరోజు మరో ఇంటికి దీపశిఖవై వెళుతున్నావు. రేపటినుండి అది నీ ప్రపంచం, మన ఇల్లు ఓ విశ్రాంతి గృహం మాత్రమే. ఇప్పటివరకు నీ కళ్ళలో వెలుగు చూసి నా గుండెల్లో కన్నీళ్లు దాచుకున్నాను. ఇన్నాళ్లు నీ గుండెలో బంధాలే ఉండేవనుకున్నా, ఇప్పుడు నీ హృదయం కొత్త బంధాలతో నిండిపోయింది కదా... మరి మేమెక్కడ? నాన్న – మగమహారాజు కాబట్టి – గంభీరంగా కనిపిస్తున్నాడు, కానీ... ఉప్పొంగే కన్నీటి కెరటాలని గుండె గదుల్లోనే అడ్డుకట్ట వేస్తూ కర్తవ్యం నిర్వహిస్తున్నా విడిపోవడం వేదన అయినా నీ సంతోషమే మా ఆనందం. కన్యాదానం పుణ్యమని శాస్త్రం నోరు మూయించింది దానం చేసిన దానిని అప్పగించడమే మన విధి. ఆడపిల్లకి జన్మనిచ్చినందుకు తల్లితండ్రుల కర్తవ్యం మనసు గాయపడిన గుండె బాధపడిన తీర్చుకోవాల్సిన రుణం. రచన మధునాపంతుల చిట్టి వెంకట సుబ్బారావు కాకినాడ 9491792279
జై జవాన్ నువ్వు మాకంటే ఎందుకు విభిన్నం లోకానికి తెలియ చెప్పాలన్నదే ప్రయత్నం. తలకి రక్షణ కవచం పెట్టుకోవాలంటే మాకు బద్ధకం కానీ నీ తల మీద కవచం దేశ రక్షణకు ధీర సంకల్పం, ఏడాదికో రెండుసార్లు జెండాకు వందనం చేస్తాం. జెండా కనిపించినప్పుడల్లా గౌరవ వందనం చేస్తూనే ఉంటావు. మా కళ్ళు అడ్డమైనదారులు వెతుక్కుంటాయి. నీ కళ్ళు శత్రువులని ఇట్టే పసిగడతాయి. నిదుర లేదు, అలసట లేదు – నీకు దేశ రక్షణ తపన ఒకటే. మేము సమయం మించి ఏ పని చేయలేం మా రక్షణకి నువ్వు ఉన్నావు అనే ధైర్యం మా చెవులకు వినిపించేవి చెప్పుడు మాటలు శత్రువుల తుపాకీ చప్పుళ్ళు ఎప్పుడూ నీ చెవిలో మారు మ్రోగుతూ ఉంటాయి. ఉదయమే నీ గొంతులో వినిపించేది వందేమాతరం. రేడియోలో వందేమాతర గీతానికి గొంతు కలపని దౌర్భాగ్యం మాది. ప్రకృతి బీభత్సంలో మాకు నువ్వు ఆపద్బాంధవుడివి. బాధితులకు ఆశ్రయిస్తుంది నీ హస్తం యుద్ధంలో శత్రువుల పాలిట భస్మాసుర హస్తం కూడా అదే. నీ చేతులు శత్రువుల రక్తంతో తడిసిపోయి ఉంటే మా చేతితో పట్టుకున్న నల్లధనం మురికితో మెరుస్తున్నాయి. ఎంతైనా నీ వృత్తి నీ జన్మకి సార్ధకత ఇచ్చింది. సైనికుడు అంటే మాలో గౌరవం పెంచింది. మేము డిగ్రీలు సంపాదించిన నిరుద్యోగులుగా మిగిలిపోయాం గుండె బలం కండబలం తల్లితండ్రుల వారసత్వ బలం నిన్ను నెల జీతగాడిగా నిలబెట్టింది నీ వెన్నెముక – ధైర్యానికి నిలువు స్తంభం, శత్రువుల తుపాకీ చప్పుళ్ళకి మా వెన్నులో జలదరింపు అదే మా నైజo శత్రువు అంటే భయం లేదు నీ గుండెలో బాణసంచా శబ్దాలకి కూడా భయమే మాకు ఎండల్లో వానల్లో మంచు ముక్కల మధ్య నీ కాపురం. అయినా ఉక్కులా చెక్కు చెదరదు నీ శరీరం . చలువక్రీములు ,లోషన్లు పూత పూసుకోనిదే గడవదు మాకు ప్రతి దినం మాకు ఇంచక్కా ఎక్కడ పడితే అక్కడ రహదారులు మంచులో బూట్లు కూరుకు పోతున్న జారి పడిపోతున్న ఆగదు నీ పయనం. నీకున్న అవకాశం ఓ అడుగు వెనక్కి కాదు – అంతా ముందుకు గమనం మాత్రమే. ముందడుగు ఆచితూచి వేస్తాం మేము స్వేచ్ఛ జీవులం మీ పాదరక్షలకి మాతృభూమి ధూళి అలంకారం మెరిసిపోయే బూట్లు మా కాళ్ళకి అలంకారం. నీ రక్తం నిన్ను ప్రతిరోజు పలకరిస్తూనే ఉంటుంది సల సలా మరుగుతూనే ఉంటుంది. అది నీకు అలవాటైపోయిన దినచర్య. గోరుచితికి రక్తం చిమ్మితే తలుచుకుని బాధపడతాం మేము రోజంతా నీ శరీరం సర్వం – యుద్ధభూమికి అంకితంగా మారిన దేవాలయం, నీ జీవితం – భద్రతకో యజ్ఞంగా నిలిచిన దీక్షాగృహం. మువ్వన్నెల జెండాకి నువ్వంటే ఎంతో ఇష్టం ఆఖరి యాత్రలో నీ వెంటే ఉంటుంది. అందుకే నువ్వు విభిన్నం మాకంటే -
పెళ్లి పందిరిలో ప్రకృతి పండగ పెళ్లంటే నూరేళ్ల పంట కలకాలపు వలపుల పంట భూమాత వేదికగా వచ్చింది. ఆకాశం పందిరిగా నిలిచింది పచ్చటి చెట్టు తోరణమై అలంకరించింది మూడు ముళ్ళకి సాక్షిగా అగ్ని నిలిచాడు పెళ్ళివారికి వాయువు సుగంధ మై వీచింది వరుణదేవుడు పన్నీరై పులకరింప చేశాడు. పంచభూతాలే పెళ్లికి సేవలు చేస్తుంటే పర్యావరణం పాడు చేసే ప్లాస్టిక్ ఎందుకు పండగ పూట పచ్చదనం పూయాలి! పెళ్లి మండపం పూలతో నిండాలి, కానీ ప్లాస్టిక్ డెకరేషన్లకు ఆమోదం వద్దు! తలంబ్రాలు వేడుక సనాతనంగా జరగనిస్తేనే ముద్దు. మధ్యలో వచ్చినవి మరిచిపోవడమే మన హద్దు. వియ్యాలవారి విందుకి అధునాతనమైన హంగులు ఎందుకు . ప్రమాదమని తెలిసినా దాని పక్కకు చేరడం ఎందుకు కమ్మని కాఫీ కి నీటిలో కరిగిపోయే మట్టి పాత్ర ముద్దు. గొంతు ఎండిపోతుంటే గొంతులో కాకుండా ఒంటి మీద పడే గ్లాసుతో నీళ్లు ఇచ్చే సాంప్రదాయం మనకి వద్దు ఆకుపచ్చ అరిటాకు విందుకు అందం. లేకపోతే కుట్టుడాకు మన సాంప్రదాయం. విందుకు ముప్పై రకాలు ఎందుకు దండగ ఆదరణతో పెట్టిన మూడు ముద్దలు అతిధికి ఎంతో ఆనందం. పెళ్లి భోజనం పరుగులు తీయించకూడదు ఆస్వాదించాలి ఆశీర్వదించాలి కన్నుల పండుగ చూపించాల్సిన వేడుకలో, కన్నీరు తెప్పించకూడదు భూమి కంటిలో! పెళ్లి ఒక్కరోజు – కానీ ప్లాస్టిక్ జీవితం వందల ఏళ్లు, అది పడి ఉంటే భవిష్యత్తు మిగిలేదేంటీ? పెళ్ళిళ్ళు పసందైన భోజనాలకే కాదు, పసిపిల్లల భవిష్యత్తుకూ మార్గదర్శకాలు కావాలి! ఊరంతా వచ్చి ఆశీర్వదించే వేళ, ప్రకృతిని కూడా పిలుద్దాం, ఆనందించేలా! పదిలంగా ఉన్న సంప్రదాయమే, పరిరక్షించే మార్గం, మన భూమికి భాగ్యం. అనుక్షణం పర్యావరణ పరిరక్షణకు పాటుపడదాం ఎప్పటికో మార్పు వస్తుందని ఆశిద్దాం. రచన మధునాపంతుల చిట్టి వెంకట సుబ్బారావు కాకినాడ 9491792279
కుండ మట్టిలో పుట్టిన మాణిక్యం నరుడికి వేసవి తాపం తీర్చే అమృతభాండం రంగు నల్ల బంగారం గుండె శీతలయంత్రం తామరాకు మీద నీటి బొట్టు లాంటి జీవితం చెయ్యి జారితే ముక్కలయ్యే కుంభం సప్తస్వరములు పలికిస్తే అది ఘటం నోరూరించే ఊరగాయకి అదే ఆధారం సాదరంగా ఆహ్వానించేది పూర్ణకుంభం కడవరకు సాగనంపే ఆత్మీయ భాండం జోరుగా కురిసే వర్షం కుండ పోత మట్టిలో పుట్టి మట్టిలో కలిసిపోయే వట్టి మట్టి పూత. కాకి బావకు దాహం తీర్చే సన్న మూతి కూజా వేసవి వచ్చిందంటే గొంతును చల్లబరిచే తర్బూజ. రచన మధునాపంతుల చిట్టి వెంకట సుబ్బారావు కాకినాడ 9491792279
ఏది మనది రోదిస్తున్న పసి గుడ్డుని ఊయలలో వేసి నిద్రపుచ్చుతుంది అమ్మ. పెరిగే భారం భరించలేక ఉయ్యాలలా ఊగింది భూమాత. కాళ్ళ కింద భూమి వణికిన వేళ ఆకాశాన్ని తాకిన మేడలు అమ్మ ఒడి చేరిపోయాయి. కలల సౌధాల కింద బతుకులన్నీ బుగ్గి అయిపోయాయి నాది అనుకున్న ది నన్నే బలి తీసుకుంది నీడనిచ్చిన గూడు నా సమాధి అయింది అశాశ్వతమైన ఆనందం క్షణాల్లో ఆవిరయ్యింది. రక్తసంబంధం, కలుపుకున్న బంధం, పెంచుకున్న స్నేహబంధం, అన్ని ఒకే క్షణంలో చిరునామా మార్చుకున్నాయి. గాలి తాకిన రేణువులా ఆశలు క్షణంలో అదృశ్యం కొండంత కోరికలతో కోట్లు సంపాదించాలని ఆశయం మానవ మనుగడే ప్రశ్నార్థకం ఎందుకో ఈ తాపత్రయం ఏది మనది? ఏది మిగిలేది ? రచన మధునాపంతుల చిట్టి వెంకట సుబ్బారావు కా కినాడ 9491792279
.మాకు వరం నిజంగా ఆ ఊరు మాకు వరమే పాపాలన్నీ కడిగే పంపానది కోరిన వెంటనే వరాలు ఇచ్చే స్వామిని వరాలిచ్చే స్వామిని మోసే రత్నగిరిని అందంగా అక్కున చేర్చుకున్న అన్నవరం నిజంగా మాకు వరమే. కొత్త గా జీవితంలో అప్పుడే అడుగు పెట్టిన వాళ్ళు జీవితాన్ని రుచి చూసిన వాళ్ళు కులమతాలు ఏమైతే నేమి వ్రతం పట్టి మొక్కు తీర్చుకొని కళ్ళకు అద్దుకోవడం కూడా మర్చిపోయి ఆత్రుతగా అడ్డాకులోని అమృతాన్ని నోటికి అందిస్తే స్వర్గమే కనబడింది. ఆ అమృతం దేవతలు తయారు చేస్తారేమో అందుకే అంత అద్భుతమైన రుచి. ఎర్రగా బుర్రగా ఉండి నలుచదరంగా ఆకులో తేలిపోతూ ఉంటుంది. చెయ్యి తిరిగిన అమ్మ చేయలేని అమృతం. స్వామి వారు తయారీలో చెయ్యవేస్తారేమో ప్రసాదంలా కాదు పరమాన్నంలా తినాలి అనిపిస్తుంది అన్నవరంలో ఉండిపోవాలనిపిస్తుంది రోజు ప్రసాదం తినొచ్చని ఆకును అంటిన ఆఖరి ప్రసాదం కూడా నాలికతో నాకేస్తాం. రహదారిలోనూ గుడిమెట్లలోను వేడిగా దొరికిన ప్రసాదాన్ని ఆత్రుతగా కొనుక్కుంటాం. నిజంగా అన్నవరం మాకు వరమే. పంపానది పరవళ్ళు రత్నగిరి సొగసులు చూసి సమయం మర్చిపోయి పిడపర్తి వారి కాల నిర్ణయ గడియారం చూసి మురిసిపోయి రత్నగిరి పేరెట్టుకుని రయ్యమని దూసుకుపోయే రత్నాచల్ లో ముందుకు సాగిపోయా నిజంగా అన్నవరం మాకు వరమే. రచన మధునాపంతుల చిట్టి వెంకట సుబ్బారావు. కాకినాడ 9491792279
Copyright © 2025, Matrubharti Technologies Pvt. Ltd. All Rights Reserved.
Please enable javascript on your browser
