The Download Link has been successfully sent to your Mobile Number. Please Download the App.
Continue log in with
By clicking Log In, you agree to Matrubharti "Terms of Use" and "Privacy Policy"
Verification
Download App
Get a link to download app
હાથનાં કર્યાં હૈયે વળગવાના એ નક્કી. છાપરે ચડીને પાપ પોકારવાના એ નક્કી. કોઈનું કર્મ ક્યારેય કદી એળે જતું નથી. વહેલામોડાં ફળ તો પાકવાના એ નક્કી. અહંની નિશામાં સારાસાર વિવેક જતો, ખોટું કરનારા આખરે હારવાના એ નક્કી. સદાચાર તો સર્વેશ્વરને પણ પ્રિય સદાએ, સત્કાર્યો કરનારા અંતે જીતવાના એ નક્કી. ગોળ છે એ તો અંધારે પણ મીઠો લાગશે, સુકૃતો સુવાસ થકી પ્રસરવાના એ નક્કી. નથી કોઈ ભેદભાવ નાનામોટાનો હરિદ્વારે, પુણ્યપાથેય લૈ જનારા હરખવાના એ નક્કી. - ચૈતન્ય જોષી. ' દીપક ' પોરબંદર.
પશ્ચાતાપનાં નયનાશ્રુથી ચરણ પખાડવાં હરિ તારાં. તારામય સાવ બની જઈને નૈન નિહાળવાં હરિ તારાં. આમ તો તું લેશમાત્ર નથી દૂર મારી દૈનિક ક્રિયાથી, પરમ પ્રકાશિત પરમેશ્વર પદકમલ પકડવાં હરિ તારાં. સ્મરણમાં તું મને લાગે હરિવર સૌથી સવાયો પ્રભુ, અમીનજર પામી વદનકમળને નીરખવાં હરિ તારાં. ભક્તવત્સલતા શરણાગત પર સહજ તારો ધારો, પ્રસન્નવદને પ્રભુ અમીશાં વચનો સાંભળવા હરિ તારાં. મુલાકાત મારી- તારી હશે હરિ સૌને અચંબો દેનારી, વરદ હસ્તે હરિવર ઊઠાવજે કરને સ્પર્શવા હરિ તારા. ચૈતન્ય જોષી. ' દીપક ' પોરબંદર.
હરિ તારી એક નજરની રહી અભિલાષ મારે. તને પામવા કાજે અહર્નિશ કરવા પ્રયાસ મારે. તું છો દીનબંધુને દયા વરસાવે શરણાગત પર, છોને સહેવા પડે દુનિયાના બધા ઉપહાસ મારે. તારાથી વિખૂટો ના પડું કદી એટલી કૃપા રાખજે, નામસ્મરણ થઈ જતું હરિવર અનાયાસ મારે. રહું મસ્તાન નિશિવાસર તવ ચરિત્રમાં દેવાધિદેવ, તારા વિનાનું જગત લાગે સદા હરિ આકાશ મારે. બની શકાય તો બનવું છે હરિ દાસ તારો હું ખાસ, ન બને તો બનવું પ્રભુ કદી ચરણે દાસાનુદાસ મારે ચૈતન્ય જોષી. ' દીપક ' પોરબંદર.
રહું સદા તારામાં મસ્તાન એટલું હરિવર માંગુ. બસ આટલું રાખજે માન એટલું હરિવર માંગુ. નયન રહે તને અવલોકતાં પલકારાને પરહરેને, તારી કથા સુણે નિત કાન એટલું હરિવર માંગુ. જીહ્વા મારી નામસ્મરણ કરતાં કદીએ ના થાકે, સાત્વિક રહે મારાં ખાનપાન એટલું હરિવર માંગુ. ગાત્રો મારાં થાય પુલકિત તવ ચરિત્ર ગુણગાને, ચાહે પછી ગમે તે કહે જ્હાન એટલું હરિવર માંગુ. ભૂખ્યાંને હું ભોજન અર્પું તરસ્યાંને જળલોટો, કર નિત્ય કરતા રહે પુણ્યદાન એટલું હરિવર માંગું. ચૈતન્ય જોષી ' દીપક ' પોરબંદર
અંતકાળે રહે સ્મરણ તમારું હરિવર એ યાચના મારી. પછી ના રહે માયા તારું મારું હરિવર એ યાચના મારી. દીનબંધુ, દયાનિધિ, ભક્તવત્સલ ભગવંત રીઝો આજે, શાંતિ મનોમન રહે આવકારું હરિવર એ યાચના મારી. ના રહે કશોય ઉચાટ, ભય કે લાલસા લેશમાત્ર સતાવે, આગમન તમારું પ્રભુજી ધારું હરિવર એ યાચના મારી. ઝાંખી થાય જગત્પતિ રઘુનંદન પંચાયતન સમેત રામ, દેહ છૂટતાં તમને સતત સંભારું હરિવર એ યાચના મારી. રઘુનંદન તમારાં ચરિત્રો મનમાં રહે અવિરત રમતાં પ્રભુ, સતત સતાવતી ઈચ્છાને વિદારું હરિવર એ યાચના મારી. ચૈતન્ય જોષી. ' દીપક ' પોરબંદર.
કલમ શબ્દ સહારે પોકારે આવો રામ તમે. વિચારો અક્ષરો થઈ આકારે આવો રામ તમે. મનમંદિરે થઈ આરતી ઘંટારવ મધુર ભાસે, લઈને સીતા લક્ષ્મણને હારે આવો રામ તમે. અંતરે પ્રગટ્યો ઉજાસ આતમનાં અજવાળાં, પ્રકાશનિધિ હનુમંત સથવારે આવો રામ તમે. આંસુના તોરણ નયનદ્વારને શોભાવી રહેતાં, પુલકિત ગાત્રોના એ આધારે આવો રામ તમે. બની ઝંખના બળવત્તરને શબ્દો શૂન્ય થનારા, ગળગળા સાદના ઉચ્ચારે આવો રામ તમે. ચૈતન્ય જોષી. ' દીપક ' પોરબંદર.
અમારા મનના અધિકારી મારા રામ તમે. હૈયામાં હો હકૂમત તમારી મારા રામ તમે. શરણાગતના તારણહાર છો પ્રભુ સદાએ, હરપળ રહેતા ધનુષધારી મારા રામ તમે. ભક્તવત્સલ પ્રભુ નિજજન કાજે તમે, અધમ તણા હો ઉદ્ધાર છો મારા રામ તમે . તડપતાં હરિવર તવ દર્શન કાજે અહર્નિશ, લેતા ભક્તજનને આવકારી મારા રામ તમે. ઉરઆંગણે વસીને વિરાટ ભાસતા રઘુવીર, ભક્તોની દિલદુગ્ધા દેતા ઠારી મારા રામ તમે. ચૈતન્ય જોષી. ' દીપક ' પોરબંદર.
હરિ તારામાં રહીએ મશગૂલ અમે. ના કરતા ચર્ચા કશીએ ફિઝૂલ અમે. ઉપકાર તારા અબ્ધિવાસી અઢળક, ના ચૂકવી શકનારાં એનાં મૂલ અમે. સંસારની આંટીઘૂંટી હોય અટપટીને, તોય તારા નામે સાવ હળવાફૂલ અમે. ચૂંટીચૂંટીને તું હરિવર અપનાવજે કદી, તારા જીવનબાગનાં ખિલતાં ગુલ અમે. આમ તો હસ્તિ અમારી નહિવત લાગે, તારા થકી જ રહેનારા પાવરફૂલ અમે. ચૈતન્ય જોષી. ' દીપક ' પોરબંદર.
હરિ તારા બગીચાનાં ફૂલો અમે. માનવ થઈને કરનારા ભૂલો અમે. હરિ તારું હેત હોય સૌથી સવાયું, કરીએ એકરાર સદા ખુલ્લો અમે. હોય તારાં નયનથી નેહ નીતરતોને, તેથી જ સહી શકતાં જગશૂલો અમે. અંતરની અમીરાત તારી અદભુત, પામીએ પ્રેમ તારો હરિ અમૂલો અમે. અમારે હરિવર તું જ છે સર્વસ્વ, તું જ અમારે મન રાજા દૂલો અમે. અપરાધી છીએ માફ કરવા ઘટેને, ગુનાનો કરતા હરિ બચાવ લૂલો અમે. ચૈતન્ય જોષી. ' દીપક ' પોરબંદર
મળ્યું છે માનવજીવન ચાલો શણગારીએ. કરી કામક્રોધાદિ શમન ચાલો શણગારીએ. " નથી નથી "ના નારાઓ છોડી દઈએ હવે, થયું છે પૃથ્વીમાં આગમન ચાલો શણગારીએ. જે મળ્યું છે એને મબલખ માનીને જીવીએ, ન મળ્યાની ઠારીને અગન ચાલો શણગારીએ. સત્કૃત્યોનું પાથેય સાથમાં લઈએ પથ કાપીએ, ગંગાનીર સમું રાખીને મન ચાલો શણગારીએ. માફ કરી દઈએને માફી કોઈની માંગી પણ લઈએ, પરમેશ પરખીએ જનેજન ચાલો શણગારીએ. ચૈતન્ય જોષી. ' દીપક ' પોરબંદર.
Copyright © 2025, Matrubharti Technologies Pvt. Ltd. All Rights Reserved.
Please enable javascript on your browser
