અડધા ભરેલા જામને, અડધો ભરેલો માનું છું,
બાકી છે એ ય ભરાશે ચોક્કસ, એ હું જાણું છું.
અતીતમાં રહેનાર ઊંઘે, ભવિષ્ય વિચારનાર ડરે,
વર્તમાનમાં જીવનારની જેમ હું ખરેખર જાગું છું.
કીડીને કણ, હાથીને મણ, નક્કી છે, મહેનતથી,
જે આપ્યું છે તેણે, તે સાચવી શકું, એ માંગુ છું.
જેટલી આ દુનિયા મારી, એટલી બીજા જીવોનીય,
સમસ્ત જગતના સજીવોનું હિત સદા હું ચાહું છું.
રસ્તો મારો એ જ જે સત્યને સાથે રાખે ,
થોડો ઘણો મીઠો તો થોડો કડવો ઘણાને લાગું છું.