સાતે દરિયા આ આંખોના રણમાં ઉતરી આવે,
જ્યારે જ્યારે તું મારા સ્મરણમાં ઉતરી આવે.
આ ભવનો આશય હવે ફક્ત તૂજને પામવું છે,
બધી આતુરતા મિલનના તે ક્ષણમાં ઉતરી આવે.
શું પુરાવો આપું, તુજથી દૂર રહીને આજે અહીં,
એક તારો જ ચહેરો દરેક જણમાં ઉતરી આવે.
સ્થિર થઈ આંખો હવે તારા આવવાની રાહ પર,
ફરિશ્તા રૂપે હવે મારા આંગણમાં ઉતરી આવે.
મહેચ્છા એકમાત્ર છે, જો સાંભળતા હોય તો,
'વૈભવ' જાતે ઈશ્વરના શરણમાં ઉતરી આવે.