जीवन गाणे...
वाहत्या नदीसारखे वाहत राहावे,
वाटेतल्या अडथळ्यांना हसत पार करावे.
कधी सुख तर कधी दुःख येईल,
प्रत्येक ऋतूत आनंदाने जगायला शिकावे.
झाडावरून पडणारे पानही सांगून जाते,
नव्या पालवीसाठी जुने सोडावे लागते.
आयुष्याचाही खेळ असाच आहे,
भूतकाळ विसरून भविष्याकडे पाहावे लागते.
पक्षांचे ते आकाशी उंच उडणे,
मनाला देते एक नवीच भरारी.
जगणे सुंदर आहे खूप मित्रा,
फक्त हसून सामोरे जाण्याची हवी तयारी🥰
