Tumse pyaar karna galat tha kya?
Tumhe dil mein basana galat tha kya?
Tumhe apni duniya banana galat tha kya?
Tumhe apna khuda banana galat tha kya?
Tumhe apni zindagi banana galat tha kya?
Tumhe apni har saans banana galat tha kya?
Tum toh kehte the main tumhari duniya hu,
Tum toh kehte the main tumhari khushi hu,
Tum toh kehte the tum mere bina jee nahi paoge,
Tum toh kehte the tum mere bina mar jaoge,
Phir kyu tumne hi mujhe akela chhod diya,
Phir kyu tumne hi mujhse muh mod liya,
Phir kyu tumne hi mera dil tod diya,
Phir kyu tumne hi mujhe yun chhod diya.
Raaton ko teri yaadon mein roti hu,
Din mein sabke samne hasti hu,
Raaton ko tere khat padhti hu,
Din mein sabse tumhe chhupati hu,
Log kehte hai main badal gayi hu,
Log kehte hai main ghamandi ho gayi hu,
Koi nahi janta main andar se toot gayi hu,
Koi nahi janta main andar se bikhar gayi hu.
Tumne toh kaha tha saath kabhi nahi chhodoge,
Chahe duniya idhar ki udhar ho jaye,
Chahe zamana dushman ban jaye,
Chahe kismat hi kyu na rooth jaye,
Phir kyu beech raaste mein mera haath chhod diya,
Phir kyu mujhe beech majhdhar mein chhod diya,
Phir kyu mujhe tanhaiyon mein chhod diya,
Phir kyu mujhe ruswaiyon mein chhod diya.
Tumhari jhoothi hasi par main mar gayi,
Tumhari jhoothi baaton par aitbaar kar gayi,
Tumne jo sapne dikhaye the mujhe raat bhar,
Main un sapno ko sach samajh kar jeeti rahi umar bhar,
Tumne kaha tha ek ghar basayenge,
Tumne kaha tha duniya ko dikhayenge,
Tumne kaha tha sabse lad jayenge,
Par tum toh mujhse hi lad kar chale gaye.
Ab na neend aati hai, na khwaab aate hai,
Ab toh bas tere diye zakhm yaad aate hai,
Tumne jo diye the wo khat yaad aate hai,
Tumne jo kiye the wo vaade yaad aate hai,
Tumhari wo subah ki chai yaad aati hai,
Tumhari wo shaam ki ladai yaad aati hai,
Tumhara wo mujhe manana yaad aata hai,
Tumhara wo mujhe hasana yaad aata hai.
Ek baar toh aakar keh dete ki pyaar nahi tha,
Ek baar toh aakar keh dete ki aitbaar nahi tha,
Ek baar toh aakar keh dete ki tumhe meri zarurat nahi thi,
Ek baar toh aakar keh dete ki tumhe meri chahat nahi thi,
Is tarah chup chap chhod kar jana toh pyaar nahi tha,
Bina bataye yu chale jana toh yaar ka kaam nahi tha,
Dil tod kar yu chale jana toh insaaf nahi tha,
Mujhe jeete jee maar dena toh pyaar nahi tha.
Tum khush ho apni nayi duniya mein,
Nayi ladki ke saath, nayi khushiyon mein,
Naye doston ke saath, nayi mehfilon mein,
Main aaj bhi tumhari purani tasveeron mein jeeti hu,
Tumhari purani yaadon ko seene se lagaye roti hu,
Tumhare purane messages padh kar roti hu,
Tumhari purani shirt se lipat kar roti hu.
Kya tumhe meri yaad nahi aati,
Kya tumhe meri baatein yaad nahi aati,
Wo raat bhar ki baatein, wo subah ki chai,
Wo bina baat ki ladai, wo chhoti si mithai,
Kya tumhe wo sab kuch yaad nahi aati,
Kya ek pal bhi meri yaad tumhe tadpati nahi,
Kya tumhara dil kabhi rota nahi,
Kya tumhe meri kami mehsoos hoti nahi.
Maine toh tumhe dil se chaha tha,
Tumhe apna sab kuch maana tha,
Tumhare liye apno se ladi thi,
Tumhare liye duniya se bhi ladi thi,
Tumhare liye apne sapne chhode the,
Tumhare liye apne armaan tode the,
Par tumne ek pal mein sab bhula diya,
Mere pyaar ko yu thukra diya.
Log kehte hai move on kar ja,
Naya pyaar dhoond le, nayi zindagi shuru kar le,
Par unhe kaun samjhaye dil ek baar hi kisi ka hota hai,
Pyaar ek baar hi hota hai, baar baar nahi hota hai,
Mera dil toh tum le gaye, meri khushi bhi tum le gaye,
Meri hasi bhi tum le gaye, meri zindagi bhi tum le gaye,
Ab main zinda toh hu par zindagi mujhme nahi hai,
Main hasti toh hu par khushi mujhme nahi hai.
Tum laut aao, ek baar toh laut aao,
Mere dil ki dhadkan sun ne toh aao,
Main aaj bhi tumhara intezaar karti hu,
Aaj bhi tumse utna hi pyaar karti hu,
Tumse pyaar karna galat tha kya?
Tumhe apna sab kuch manana galat tha kya?
Bolo na, galat tha kya? Galat tha kya
