---
પ્રસ્તાવના - છુપાયેલ જોયા છે
જય માતાજી, જય હિન્દ!
હું સુરુભા જાડેજા, મોરબી. GSRTC માંથી નિવૃત્ત.
નિવૃત્તિ એટલે શું એ હું લખી ચૂક્યો છું - "નિવૃત્તિ એક જામ છે, જે હળવે હળવે નસાની જેમ ચડે છે." પહેલા એવું લાગે કે હવે કંઈ કામ નથી, પણ પછી સમજાય કે હવે ફક્ત જીવવાનું જ છે.
મને નાનપણથી લખવાનો શોખ. જે દિલમાં આવે એ કાગળ પર ઉતારી દઉં. ક્યારેક હાસ્ય, ક્યારેક કટાક્ષ, ક્યારેક મોરબીની માટીની વાત.
વોટ્સએપ પર લખું તો એ અંગત થઈ જાય, ફેસબુક પર લખું તો એ ધંધાદારી લાગે. મને એવું પ્લેટફોર્મ જોઈતું હતું જ્યાં મારા શબ્દોની ગહેરાઈ સમજાય. મિત્રોના કહેવાથી હું માતૃભારતી પર આવ્યો, અને આજે પહેલી વખત મારા બધા લખાણોને એક પુસ્તકમાં બાંધવાનો પ્રયત્ન કર્યો છે.
આ પુસ્તકમાં કંઈ મોટા સાહિત્યના દાવા નથી. આ તો મારી પાછલી બેન્ચથી લઈને સિનિયર બેન્ચ સુધીની સફર છે.
મેં ઊંચા હોદ્દા પર અભિમાની છુપાયેલ જોયા છે, અને નાનકડા માણસોમાં સ્વાભિમાની જોયા છે. એ જ વાત આ બુકમાં છે - જે દેખાય છે એની પાછળ શું છુપાયેલું છે.
હવે આ પુસ્તક છપાયું તો ખરું, પણ હવે વંચાય તો કહેજો મને!
ઉપરછલ્લું વાંચશે બધા જ, ઉંડેથી કોઈ વાંચે તો કહેજો મને.
આપનો જ,
સુરુભા જાડેજા
મોરબી
--
આ પુસ્તકમાં શેર બજારની લાલ-લીલી નથી, પણ જીવનની લાલ-લીલી છે.
એક નિવૃત્ત કર્મચારીની કલમે લખાયેલ હાસ્ય, અનુભવ અને સત્ય.
મોરબીની ગલીઓથી લઈને વોટ્સએપના ગ્રુપ સુધીની વાતો.
હસાવશે પણ, વિચાર કરાવશે પણ.
